Populiarios Biblijos eilutės iš Ma̱rkut 14

Dalintis

A̱jawa gu si̱ naai A̱gwaza nyia̱, “Abba, A̱tyia̱ nung! A̱mgba̱m kuzang kyang na tyia̱ da̱ a̱vwuo ang. Ti̱n nung a̱kashyi swuo a̱bung wuni! A̱mgba̱m ma̱ng a̱nia, yok nyia̱ kyang hu n chat wa a̱ni bah; nyia̱ kyang ku myim ang wa a̱ni!”

Nyi swan cham nyi naai A̱gwaza, kalak nyi ba̱ kwa di̱n jen mak ji. A̱tsak a̱lyiat, fwuo hu chat nyia̱ kyang ku myim a̱ni; a̱wot vam hu swan bobwot a̱bwot di̱ nyia̱ hu.”

“A̱tsak a̱lyiat, kuzang a̱vwuo mi̱ swanta hu nang á̱ na nshei A̱sham Nkhang kani a̱ni; á̱ na jhyung a̱byii̱k wuni, á̱ bu mbwoi nkhang tazwa a̱tan ta̱m nang gu nyia̱ nung ndyo a̱ni.”

A̱wot a̱ si̱ nyia̱ ma̱ng a̱mba a̱ni, “N shya̱ ma̱ng fwuo byian za̱m, á̱ ngyei n na khwu. Nyi swan a̱ji cham. Nyi yok kai nda bah!”

Nang ba̱ nshya̱ di̱ ya kyayak a̱yet hu a̱ni, Yesu si̱ kyiak burodi sang yit wu. A̱ si̱ gwai A̱gwaza, a̱ si̱ kpa̱ra̱m da̱ gbi̱ngba̱ra̱m, a̱ si̱ nwuak mba nyia̱, “Nyi ngga, kidee vam nung jaji!”

Ma a̱nia wa, a̱ si̱ kyiak a̱sa̱khwot sum a̱na̱p ma̱ a̱kashyi wu. A̱ si̱ gwai A̱gwaza, a̱ si̱ nwuak baa; a̱mgba̱m mba a̱nyanyin konyan si̱ swuo ma̱ a̱kashyi wu. Yesu si̱ nyia̱ ma̱ng a̱mba, “Di, kidee a̱sok nung nia na! Na̱ yet a̱si̱ nang n da̱p a̱li̱ka̱uli, nang á̱ neap na̱ yet za̱nang chi a̱ka̱tuk nyia̱ da̱nian á̱niet ma̱ a̱di̱di̱t a̱ni.

Nang ba̱ nshya̱ di̱n vak á̱ naat di̱ Tsok Za̱itun ji a̱ni, Yesu si̱ nyia̱ ma̱ng a̱mba, “A̱mgba̱m nyin, nyi na tyong nyi ghwon nung; ma̱nang á̱ ndyuut mami A̱lyiat A̱gwaza na a̱ni, ‘Á̱ na hyat a̱tyu chok zón seap wu, a̱wot zón seap ji na seang.’

Nyi doot, zi̱ chong. Di la! A̱tyu a̱ na bwuk ma̱ng a̱nung a̱ni, bai kpa̱mkpaan!”

A̱jawa Yesu si̱ nyia̱ ma̱ng Bitut, “A̱tsak a̱lyiat n tak ma̱ng a̱nwan; a̱tyetuk a̱fwun a na fwuo lyen nung a̱ka̱tat, a̱gbak a̱ sii du tyiap a̱ka̱feang.”