Populiarios Biblijos eilutės iš Yoona 15

Dalintis

“Nung gwa ngyet a̱tyin a̱na̱p ka. Nyin bya yet mbwak a̱kwon na. A̱tyu a̱ ta̱meet da̱ nung a̱ni; nung mameang n si̱ nta̱meet da̱ nggu. A̱ na tai a̱kwon ka̱ tyei sum ma̱ a̱di̱di̱t a̱ni. Mat, ka̱ nyi ta̱meet da̱ nung wa bah, nyi maai nyi nyia̱ kyang bah.

Nyi ta̱meet da̱ nung; nung mameang n na nta̱meet da̱ nyin. Ma̱nang bwak a̱kwon a̱na̱p si̱ mi̱n tyia̱ sum ma̱nyin hu ka̱nang ku ta̱meet da̱ a̱tyin a̱kwon a̱na̱p ka a̱ni bah; ma a̱nia wa nyin mameang, nyi si̱ mi̱n nyia̱ kyang ma̱nyin nyin, ka̱nang nyi ta̱meet da̱ nung bah.

Ka̱ nyi ta̱meet da̱ nung, a̱wot a̱lyiat nung na si̱ shya̱ mi̱ fwuo nyin na; nyi doot nyi lyip kuzang kyang nang nyi chat a̱ni, á̱ na shim á̱ nyia̱ nyin ndyo.

“Nyin bya ku khai nung bah. Nung gwa ku khai nyin. N si̱ ntyia̱ nyin, nyi nat nyi tyei sum ma̱ a̱di̱di̱t. Sum hu ku na labeang a̱ni. Huhwa na mbyia̱, A̱tyia̱ wu a̱ nang nyin a̱mgba̱m nkyang nang nyi naai mami a̱lyoot nung ka a̱ni.

A̱gba̱ndang chat nang a̱tyubishyi na tak a̱kpa̱ndang nggu ba a̱ni, huhwa yet; gu nwuak swuan nggu ji da̱nian mbaa.

Kuzang bwak a̱kwon ku shya̱ da̱ nung a̱ni, ka̱ ku tyia̱ sum bah, á̱ na tyap hu á̱ ji̱p. Kuzang bwak a̱kwon ku tyei sum a̱ni, á̱ ni̱ shyok hu da̱nian hu ka mbeang sum hu.

Doka nung ji nang n nwuat nyin a̱ni, jija yet; nyi chat á̱ghyang nyin, ma̱ cha̱chaat di̱ si̱sak nang n chat nyin a̱ni.

Ka̱ nyi tyei sum ma̱ a̱di̱di̱t nang A̱gwaza chat a̱ni, nyi na tak nang nyi ngyet a̱tsatsak mman ta̱m nung nia. Nyi tsa bu nshei shi A̱tyia̱ nung hu kpa̱sai.

“Nung gwa ngyet a̱tsatsak a̱kwon a̱na̱p wu. A̱wot A̱tyia̱ nung wa si̱ yet a̱tyu khap wu.

Konyan wa da̱ a̱ ta̱meet da̱ nung a̱ni bah, a̱ tai bwak a̱kwon nang á̱ ni̱ tyap á̱ ji̱p ku khwot a̱ni. Á̱nietbishyi ni̱ tung ntangka̱i a̱khwot mbwak a̱kwon a̱nia á̱ ntyia̱ long. Long hu ku ya na a̱mgba̱m.

“N tak ma̱ nyin á̱lyiat nani, da̱nian nyi ka shya̱ ma̱ng a̱gwai nang n byia̱ a̱ni. A̱wot a̱gwai nyin na, na̱ bu yet a̱jhyem a̱gwai wa.

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Doka ji nang n nwuak nyin a̱ni, ji ja yet; nyi chat á̱ghyang nyin.

Ka̱ nyi wa yet á̱niet mi̱ swanta bani bya, si̱ á̱niet swanta ba chat nyin nang á̱si̱ mba a̱ni. Nung gwa khai nyin ghwut ndyo mi̱ swanta hu. Huhwa mbyia̱ nang á̱niet mi̱ swanta ba ndak li nyin hu.