Populiarios Biblijos eilutės iš A̱ga̱la̱tiyawa 5

Dalintis

A̱wot ntangka̱i za̱kwá nang A̱za̱za̱rak Ntswa wu nnwuat a̱ni, jija yet, chat á̱ghyang, fwuo sai, swat nyinyang, nyap fwuo, fwuong kunak, yet a̱tan, yet a̱tsotswat, nyia̱ shonshyon ma̱ng á̱ghyang, ma̱ng ta̱bat a̱pyia̱. A̱mgba̱m á̱niet ba̱ byia̱ ntangka̱i za̱kwá jini a̱ni, doka byia̱ a̱ka̱ta ma̱ng a̱mba bah.

Kyang hu n dyiat ma̱ng a̱nyin a̱ni, huhwa yet; nyi yok A̱za̱za̱rak Ntswa wu a̱ kwak nyin a̱son mi̱ swat nyin hu. Ka̱ nyi nyia̱ a̱nia, nyi si̱ mi̱n nyia̱ kyang nang za̱kwa a̱ka̱tuk nyia̱ nyin ji fwuong di̱dang a̱ni bah.

Nang zi̱ nswan mami nchet A̱za̱za̱rak Ntswa a̱ni, yok zi̱ khwi A̱za̱za̱rak Ntswa wu cha̱chaat a̱ kwak zi̱t a̱son di̱ kuzang vak mi̱ swat nzi̱t hu.

A̱mgba̱m á̱niet ba̱ mun á̱pyia̱ ma̱ng Kristi Yesu a̱ni, ba̱ ka̱n kpang nta̱m za̱kwa a̱ka̱tuk nyia̱ mba na, ma̱ng a̱di̱di̱t a̱ka̱tuk fwuong di̱dang mba wu, da̱ a̱team a̱khwu Kristi wu.

Jen nang nyi nkhwi di̱dang za̱kwa a̱ka̱tuk nyia̱ nyin ji a̱ni, nta̱m nji na ni̱ ghwut kpa̱sai, ni̱nia yet: a̱shi̱shi̱k nyia̱ nang a̱ka̱la̱m a̱ tyei a̱yin a̱na̱ndyung a̱ni, ma̱ng shyuo nvam, kwok ntong a̱zaghyi nghwughwu a̱yaagwaza sang swuan, la̱tong, na̱nvan, zook, kwi swam, vwuot lyen, chat a̱pyia̱, lak mun á̱pyia̱, á̱niet nyia̱ a̱chi̱nchi̱ri̱ng; kwi swam ma̱ng lak li á̱ghyang, hyeng a̱kan, tsot wun, ma̱ng á̱ka̱tuk nyia̱ á̱ghyang ma̱ a̱di̱di̱t nang á̱si̱ nani a̱ni. Yok n gba nyin, ma̱nang n ka̱n gba nyin di̱n jen jhyang a̱ni; konyan wa nyia̱ tangka̱i nkyang a̱hwa mi̱ swat nggu hu, a̱ na ya gado mi̱ Tyok A̱gwaza hu bah.

Nyin á̱niet khwi Yesu ba nang n chat a̱ni, á̱ yorong nyin nyi swan swat sa̱t. A̱mgba̱m ma̱ng a̱nia, nyi yok shim swat sa̱t nyin hu ma̱ng khwi doká ji, ku yet nyin jat fa̱k nyinyang za̱kwa nyia̱ a̱ka̱tuk nyia̱ bah. Da̱ a̱kwonu a̱kya, nyi yok sa̱t nyin hu ku tyia̱ nyi chat á̱ghyang, nyi nyia̱ á̱ghyang nyin nta̱m.

Mat za̱kwa a̱ka̱tuk nyia̱ nyin ji fwuong di̱dang nyia̱ a̱ka̱tuk. A̱wot ji̱ si̱ nyia̱ na̱nvan ma̱ng kyang hu nang A̱za̱za̱rak Ntswa wu chat a̱ni. Ma a̱nia wa, A̱za̱za̱rak Ntswa wu tyei nzi̱t di̱dang kyang ku nyia̱ na̱nvan ma̱ng kyang nang za̱kwa a̱ka̱tuk nyia̱ nyin ji chat a̱ni. Za̱kwá sweang jini kwan á̱ nchi̱ri̱ng ma̱ng á̱ghyang. Huhwa mbyia̱ nyi byia̱ sa̱t nang nyi na nnyia̱ a̱tan nkyang nang nyi chat nyia̱ hu a̱ni bah.

Mat a̱mgba̱m doka Musa ji, á̱ tung jii á̱ tyia̱ mi̱ swang a̱lyiat jhyung, jija yet, “Chat a̱kpa̱ndang nswat ang wu nang a nchat a̱pyia̱ ang a̱ni.”

Zi̱ yok yet á̱niet gba̱p a̱pyia̱, ku zi̱ tsaai jhya̱ ma̱ng kwi swam da̱ á̱ghyang nzi̱t bah.

A̱tsak a̱lyiat, Kristi tyia̱ zi̱ yet á̱sa̱t á̱niet bya za̱m. Mat a̱nia, ma̱ninika, nyi yong mi̱ chet nang á̱sa̱t á̱niet a̱ni. Nyi yok shim nyi bu yet á̱khwo doka bah.