Populiarios Biblijos eilutės iš Dānyāl 5

Dalintis

balki āsmān ke Mālik ke ḳhilāf uṭh khaṛe ho gae haiṅ. Āp ne hukm diyā ki us ke ghar ke pyāle āp ke huzūr lāe jāeṅ, aur āp ne apne baṛoṅ, bīwiyoṅ aur dāshtāoṅ ke sāth unheṅ mai pīne ke lie istemāl kiyā. Sāth sāth āp ne apne dewatāoṅ kī tamjīd kī go wuh chāṅdī, sone, pītal, lohe, lakaṛī aur patthar ke but hī haiṅ. Na wuh dekh sakte, na sun yā samajh sakte haiṅ. Lekin jis Ḳhudā ke hāth meṅ āp kī jān aur āp kī tamām rāheṅ haiṅ us kā ehtirām āp ne nahīṅ kiyā.

Aur likhā yih hai, ‘Mine mine taqel-o-farsīn.’ ‘Mine’ kā matlab ‘ginā huā’ hai. Yānī āp kī saltanat ke din gine hue haiṅ, Allāh ne unheṅ iḳhtitām tak pahuṅchāyā hai. ‘Taqel’ kā matlab ‘tolā huā’ hai. Yānī Allāh ne āp ko tol kar mālūm kiyā hai ki āp kā wazn kam hai. ‘Farsīn’ kā matlab ‘taqsīm huā’ hai. Yānī āp kī bādshāhī ko Mādiyoṅ aur Fārsiyoṅ meṅ taqsīm kiyā jāegā.”