Populiarios Biblijos eilutės iš Semtilbu 37

Dalintis

Chuin Joseph'in mang aneijin, hichu asopite henga aseipeh-in ahi. Chuin amahon amachu anahot locheh taovin ahi.

Tun Israel'in Joseph chu atehnunga ahin achapa ahijeh chun, achapa dang jouse sangin angailun ahi. Chuin aman amachu sangkhol chol jemchom choma pol asempeh-in ahi.

Chuin amachu asopiho jouse sangin apauvin angailujoi ti a-ute chun amuphatnun, amahon amachu aho taovin, kam ngeijin ahouthei tapouvin ahi.

Chuin aman mang chomkhat amat kitnin, chule hichu a-ute henga ahilin, ajah uvah, Veuvin keiman mang khat kanei kitnin ahi; chule veuvin, nisa, lhathah chule ahsi somlekhat nin chibai eina boh-e, ati.

Chuin a-uten amachu amitthip taovin; ahin apa vangin thu kiseichu aching jingin ahi.

Chuin aman ahenguva, Katao ahi, keiman kamangmat hiche mang hi ngaitemun, Ajehchu veuvin, eihon louva changphal inakanun, chule veuvin, keima changphal chu ahung kipatdoh-in, adingjang petnin; chuin veuvin, nangho changphal hochu ahung ding kimvelun, keima changphal chu chibai aboh-un ahi, ati.

Hijeh chun tun hunguvin, amahi thatnu hitin, kokhuh khat touva seplutnu hitin, chule eihon, Gamsa hang khat touvin atha ahitai tiu hite: chule amang chu ipi ahungso ivet dingu ahi, akitiuve.

Chuin Midian sumkol veiho chun ahinho pauvin ahile, amahon Joseph chu kokhuh-a konin akaidoh-un, Ishmael miho henga chun dangka somni dingin ajoh taovin ahi. Chuin amahon Joseph chu Egypt gama apuitaove.

Chuin khatnin khat henga aseijin, Veuvin, mang neipa chu ahunge.

Chuin amahon amachu gamlatah-a agahmu phatnun, amaho lam ahungnai masangin, amahon ama tha ding thu ana kihousom taove.

Chuin Reuben'in akhutnuva kona chudoh-a, apa henga anungsolpeh theina dingin, ajah uva, Thisan sohih beh-un, amavang gamthip laija hiche kokhuh-a khun galeh lutnuvin lang achunga vang khut lhahih-un ati.