Populiarios Biblijos eilutės iš Kuxh 14

Dalintis

Tul ech tal Jesuus tiʼ inatxht Tiuxh s-eche: —Bʼaali, axh vinBʼaal uvaʼ yeʼxhkam invaʼq tzaʼl savatz. Yeʼl koq in laʼ pal in tu mam kʼaxkʼo nik valeʼ, u kʼaxkʼo uvaʼ toq uloq s-viibʼa. Poro jit aʼ, laʼ abʼan kam uvaʼ nik valeʼ, pet aʼ, abʼan kam uvaʼ nik eetzʼa s-viʼ, —xeʼt Jesuus.

Pet natxhnotxh etatineʼ. Tul natxhvaq Tiuxh, echetz laʼ etxʼolt emaqt etibʼe tiʼ epaʼvineʼ, kʼuxh laʼ etxhbʼul ekuʼ t-paʼv. Tan kamal nik isaʼ vetaanxelal inatxhax Tiuxh, poro aʼ, vetxhiʼoʼl, yeʼ nik txʼolon, —xeʼt Jesuus.

Nuqxh nik val sete uvaʼ: Talxh laʼ bʼen paxsalik inqʼa bʼaʼnla txhaq yol s-viʼ, tuulbʼal jankʼal inqʼa tenam vatz txʼavaʼ, tul laʼ alax kam uvaʼ qat ibʼan u ixoq s-ve. Echetz yeʼ laʼ isotz talaxe u bʼaʼnil uvaʼ qat ibʼan u ixoq, —xeʼt Jesuus.

Yaʼne ech tal Jesuus s-eche: —Valxh u mam txumuʼm at t-vaanima; tul tetxhal vet vopoon vatz u kamchil taʼn. Pet atoq ka ex tzitza, tul itzʼloqvaq ex, —xeʼt Jesuus.

Tuulbʼaletz uvaʼs nikich itxʼaʼon Jesuus tuchʼ inqʼa nikich itxhus tibʼ s-kʼatza, tul tiqʼo tzaan Jesuus val u paan. Yaʼne taqʼ taʼntiuxh te quBʼaal Tiuxh s-tiʼ. Tul ipixh u paan s-tuul. Tul taqʼ te inqʼa nikich itxhus tibʼ s-kʼatza. Tul ech tal Jesuus s-eche: —Kʼulvaq u paan, tan aʼ vintxhiʼoʼle uvaʼa, —xeʼt Jesuus.

Yaʼne tiqʼo tzaan Jesuus val u koopa, uvaʼ atich vet kuʼ taʼl uuva s-tuul. Tul taqʼ taʼntiuxh te quBʼaal Tiuxh s-tiʼ. Atz taqʼ vet te inqʼa nikich itxhus tibʼ s-kʼatza. Tul junun motx tukʼataq vet inbʼiitxhaqul u aʼ, uvaʼ atich tu koopa. Yaʼne ech tal Jesuus s-eche: —Aʼetz vinkaqale uvaʼa, uvaʼ toq eloq tiʼ isotzsal ipaʼv inqʼa xaol, atz uvaʼ toq jeqbʼan ka [u akʼla inyol] sexoʼl tiʼ ikuyux ipaʼv mamala xaol.{*}

Yaʼne ech tal Jesuus te inqʼa nikich itxhus tibʼ s-kʼatza s-eche: —Tuulbʼal u aqʼbʼal s-txheelaʼ, jankʼalxh ex toq aqʼon ka in sinjunal t-xoʼval. Tan ech nik tal val u yol uvaʼ tzʼibʼamal ka s-eche: «Laʼ yatzʼax el u xeen karneʼl, tul talaq kuxh laʼ ikʼaq vet inqʼa karneʼl,» chich u yol.

Pet ¡lakpoq vet ex, tul koʼvaq! Tan il naq tul veteʼ, uvaʼ toq oksan in tiqʼabʼ inqʼa iqʼesal uqʼeʼybʼal, —xeʼt Jesuus.

Tul ech tal Jesuus te Luʼ s-eche: —Nuqxh toq val see uvaʼ tuulbʼal u aqʼbʼal s-txheelaʼ, tul ech toq aal s-viʼ s-eche: «Yeʼ vootzaql Jesuus,» toq aaleʼ. Oxpaquletz maʼt aalt s-eche, tul laʼ oqʼ val u mam kaxhan [tikaʼpaq], —xeʼt Jesuus.