Populiarios Biblijos eilutės iš Vibʼanoʼm inqʼa Apoostol 11

Dalintis

Tul vaʼl yaʼbʼ ibʼan Vernavee tuchʼ Saaulo xoʼl inqʼa niman tetz Jesuus tu tenam Antiokiia. Tul mamalaxh xaol itxhus Vernavee tuchʼ Saaulo tzitzi. Tul aʼ okk vet ibʼij inqʼa xaol tzitzi s-bʼaxa ‹s-niman tetz Kriisto.›

Opoonetz vet Vernavee tu tenam Antiokiia, tul motx til vet Vernavee inqʼa mamala bʼaʼnil uvaʼ nikich ibʼan quBʼaal Tiuxh xoʼl inqʼa niman tetz Jesuus. Tul chiibʼ vet Vernavee s-tiʼ. Tul taqʼ vet Vernavee tial ikʼuul inqʼa niman tetz Jesuus, tiʼ uvaʼ aʼlxh laʼ motx taqʼt yaʼl tiʼ ikʼuqbʼataq ikʼuul tiʼ quBʼaal Jesuus. Poro bʼaʼnichxh itxumbʼal Vernavee, atz atichxh viTiuxhil Tiuxh kʼatz Vernavee. Tul kʼuqlichxh ikʼuul Vernavee tiʼ quBʼaal JesuKriisto. Echetz s-tiʼile mamala vet xaol motx toksa tibʼ s-niman tetz Jesuus.

Oqetz ech taqʼt vibʼaʼnil tiibʼa inqʼa xaol, inqʼa jit tij imam Israeel, eche uvaʼ taqʼt Tiuxh viTiuxhil s-qe, oʼ inqʼa niman tetz Jesuus, tul ¡aʼetz koq vet in laʼ maqon u iqleʼm, aʼe viTiuxhil Tiuxh! —xeʼt Luʼ xoʼl inqʼa imol s-niman tetz Jesuus. Tabʼietz vet inqʼa tij imam Israeel, inqʼa nikich iyoj tibʼ tuchʼ Luʼ, tul yeʼ vet invaʼtoʼq yol motx tala. Pet aʼl motx ichiibʼ vet tiʼ toksal iqʼij quBʼaal Tiuxh. Tul ech motx tal s-eche: —Antetz bʼak inqʼa xaol, inqʼa jit tij imam Israeel, qat taqʼ quBʼaal Tiuxh s-te u titzʼat tibʼ t-inqʼa ipaʼv; atz ant bʼak vet inqʼae yeʼl iyaʼebʼal imotxebʼal qʼij isaq, —xeʼtaq veteʼ.