Populiarios Biblijos eilutės iš Rómà ŋa 4

Dalintis

Kò dzèrèbe-kã̀ kpókpó ńnɔ́-ara‐ɛ̀ ti nára-àlé#ɛ́. Kà kàa bɛ́ɛ̀, ó mú àkaralé‐ɛ̀ si ńǹtá-Ɔ̀ɖáyé, tsí àmí kòó si, tsí náa wà nyɛ̀ɛ́. Ó tã́ ńnɔ́‐ɛ̀ si kpó ní àlé yèé Ɔ̀ɖáyé ta si fú òŋu#ɛ́, ó nɛ́kpá, tsí kó nyáa sãã́ fúu òŋu.

À kɔ afɔ̀ si ńǸwé-Ɔ̀ɖáyé† ti nára‐ɛ̀ ní: “Ǹ sɔɛ́ ɖi gbágbóǹgbàgbò fú ìlú kpíkpɔ̀ kpíkpɔ̀.” Àbàràhámì dzɛ́ gbágbóǹgbàgbò-àwa kpó nódzú-Ɔ̀ɖáyé, ɛnɛ yèé ó gbà gbɔ́#ɛ́. Ɔ̀ɖáyé#ɛ́ ní náa sɔ ɔ̀nyà kúkú ɖi ɔ̀nyà-àwáàyɛ̀#ɛ́. Òŋu ké ní náa fɔ̀, tsí iŋɛ́ yèé kò wà wòrí#ɛ́ náa wá gbòkã́#á.

Yèésù#ɛ́ ní Ɔ̀ɖáyé mú bɔwɔ́-ɔ̀nyà ŋa, tsí ó kú àtsùgbé-àbi-wa ŋa#á. Ó ɖi, ó dzíi ti náàŋírĩ-òkú ŋa wá náyé, tsí kó ń gbà wá nɔ́ɔ̀nyà-atsòtítɔ́ nódzú-ara‐ɛ̀.

Àbàràhámì#ɛ́, ńǹwèrè yèé ɔ̀nyà-kã̀ kpókpó kò módzú si ró ní Ɔ̀ɖáyé nákó nyáa tse iŋɛ́ yèé ó fɔ̀ si#ɛ́, òŋu módzú si nɔ́ɔ̀nà si fúu gé ni. Ó mú àkaralé‐ɛ̀ si ńǹtá-Ɔ̀ɖáyé si, tsí ó ɖi gbágbóǹgbàgbò fú ìlú kpíkpɔ̀ kpíkpɔ̀. Bɛ́ ní Ɔ̀ɖáyé fɔ̀ fúu#ɛ́. Ó ní: “Màa tse tsí ɔmalɔ́ma-ɛ̀ɛ ŋa nákó kpɔ̀ bɛ́ gbɛ̃̀ɛ̃̀.”

Náàtsùgbée bɛ́ɛ̀#ɛ́, ɛnɛ yèé ŋa mú àkaralé-ŋa si ńǹtá-Ɔ̀ɖáyé#ɛ́, àŋa ní náa gba àlé yèé Ɔ̀ɖáyé ta si#ɛ́. Àlé#ɛ́, ore-ɔ̀fɛ́ ní ó dzɛ́#ɛ́, tsí ɛnɛ yèé ŋa gbo kpó dzɛ́ ɔmalɔ́ma-Àbàràhámì ńǹbìmbí ńǹrènrè‐ɛ̀#ɛ́, àlé#ɛ́ dzɛ́ tàŋa gbo. Kò dzɛ́ ti ɛnɛ yèé ŋa wà rɛ̃̀ si nɛ́kpa-Mɔ̀ɔ́sè sɔ̃́ŋú#ɛ́ gé. Ó ɖi, ó dzɛ́ ti ɛnɛ yèé ŋa gbo kpó gba Ɔ̀ɖáyé gbɔ́#ɛ́. Àbàràhámì#ɛ́ dzɛ́ gbágbóǹgbàgbò-àwa kpó ni.

Ó ní: “Ɛnɛ yèé ŋa Ɔ̀ɖáyé nɔ àbi-ŋa ǹɖe, tsí kò wà rí íbàɖí-kã̀ kpókpó nára-ŋa ró#ɛ́, à wɛ éwo-ire.” “Ɛnɛ yèé Ɔlɔ́dzɔ́ kò wà tɔ́ àbi‐ɛ̀ ŋa si fúu ró#ɛ́, ó wɛ éwo-ire.”

À kɔ si ńǸwé-Ɔ̀ɖáyé† ti nára‐ɛ̀ ní: “Àbàràhámì gba Ɔ̀ɖáyé gbɔ́, tsí náàtsùgbée bɛ́ɛ̀#ɛ́, Ɔ̀ɖáyé gbàá nɔ́ɔ̀nyà-atsòtítɔ́ nódzú-ara‐ɛ̀.”