Populiarios Biblijos eilutės iš Lúkà 14

Dalintis

Bí ɔ̀nyà-kã̀ wá ńɖɔ̀-òŋu, tsí iŋɛ́-òŋu kò kpã́dzú fúu láre boba‐ɛ̀ òŋu ìná‐ɛ̀, tsí iŋɛ́-òŋu kò kpã́dzú fúu láre aya‐ɛ̀ òŋu ɔma‐ɛ̀ má nára-ìnàbí‐ɛ̀ ŋa gbo, tsí bí iŋɛ́-òŋu kò kpã́dzú fúu láre àyɛ̀-tòŋu ká‐ɛ̀ gìɖì#ɛ́, kàkó nyáa dzɛ́ ɔmatsɛ́-òŋu.

Ó ɖi, bí ɔ̀nyà-kã̀ kò dzɛ́, tsí kɛ́ egi-ìɖáàgàlàdzà†‐ɛ̀ rù, tsí wà tɛ̀ náànyì-òŋu, ɛnɛ nyɛ̀ŋɛ̀ kàkó nyáa dzɛ́ ɔmatsɛ́-òŋu.

Ó ɖi, ɔ̀nyà kpó yèé wà kɛ́ ara‐ɛ̀#ɛ́, Ɔ̀ɖáyé nákó ɖɛ̀ɛ́ bɔ̀, tsí ɔ̀nyà kpó yèé wà tɛ ara‐ɛ̀ bɔlɛ̀#ɛ́, Ɔ̀ɖáyé nákó kɛ́ɛ si ńǹɖì lákṹ.

Kíbí ó dzɛ́ bɛ́ɛ̀#ɛ́ fee, ɔ̀nyà-kã̀ kpókpó náàŋírĩ-ŋa kàkó nyáa dzɛ́ ɔmatsɛ́-òŋu, bí ɛnɛ nyɛ̀ŋɛ̀ kò kɔ iŋɛ́‐ɛ̀ ŋa kpó dzɔ̀ɔ́.

Tsí ó wà wí fú ŋa ró ní: Nɛ̀ɛ́ wà náàŋírĩ-ŋa, tsí bí ɛnɛ nyɛ̀ŋɛ̀ wà wo kó malé-ìsã́ŋú-kã̀ ni kà dzokó, tsí sére owó yèé nákó lò, tsí ń malé#ɛ́ dzá kpó#ɛ́ tã́ná kó kpée si ńnɛ̀ ná? Nákó sérèé, tsí rí ní owó yèé wà nɔ́wɔ́-òŋu#ɛ́ nákó tó, tsí òŋu kó maá dzáà? Bí kò tsi bɛ́ɛ̀, bí ó kpilɛ ilé#ɛ́, tsí maá làkóò, tsí ilé#ɛ́ kò nyáa kpãrũ#ɛ́, ɛnɛ yèé ŋa nákó ríi bɛ́ɛ̀#ɛ́, à nákó wà rã́ã̀rĩ́ fúu, tsí wà fɔ̀ ní: Kò tsi ɛnɛ#ɛ́ kpé ilé míma niì? Tsí kò nyáa maá kpãrũ róò?

Ó ɖi, bí ò se dzídzɛ-kã̀ ní ɔ̀nyà ŋa kó wáa dzɛɛ́ bá òŋu, nà tédzú kpe adzìyàkú ŋa òŋu aké ŋa. Tsí nà kpe arɛ̃̀ ńǹgbákú ŋa òŋu afɔ́dzú ŋa gbo. Bí ò tse bɛ́ɛ̀, nàa wɛ éwo-ire ńɖi-Ɔ̀ɖáyé, iŋɛ́ yèé tse#ɛ́, à kò bòkó nyáa tse ìrɔ́-bɛ́ɛ̀ sã si ńǹɖì‐ɛ̀ fɛ́ɛ. Ɔ̀ɖáyé ní nákó sãã́ si ńǹɖì‐ɛ̀ fɛ́ɛ ńǹwèrè yèé nákó wáa dzí atsòtítɔ́ ŋa ti náàŋírĩ-òkú ŋa wá náyé#ɛ́.

Tsí ó wà wí fú ŋa ró ní: Fee, oŋu iŋɛ́-ire-kã̀ ni. Ó ɖi, bí oŋu kò nɛ́ aɖɔ̃̀‐ɛ̀ ró fee, kí à kó nyáa mú si ńnɛ̀, tsí kó ɖɔ̃̀ ró? Bí ó ɖà bɛ́ɛ̀, à kàkó nyáa lòó ró. À kàkó nyáa ń rì fú dzídzɛ gbo. À náa kɛ́ɛ ɖànu gé ni. Ó ɖi, ɛnɛ yèé nɛ́ etí-ìgbɔ̃́ɔ̃̀rã̀ kó máa ń tsoɖi.