Populiarios Biblijos eilutės iš Èfɛ́sì ŋa 5

Dalintis

Ɔma-àrínódzú ŋa ní è dzɛ́ fú Ɔ̀ɖáyé#ɛ́. Ńbɛ̀ɛ́, è tsikpá, tsí e kɛ́ ɔwɔ́‐ɛ̀, tsí e wà lìlò òŋu àmúɖɔ̃̀ kíbí Kírísítò gbo tse#ɛ́. Ó nɛ́ àmúɖɔ̃̀ fú wa, tsí ó dzɛ́, tsí kú si nárũ-wa. Iŋɛ́ yèé ó tse nyɛ̀ŋɛ̀#ɛ́, ó wà kíbí ɛbɔ òŋu ɔ̀yà tsítse fú Ɔ̀ɖáyé bɛ́. Tsí ó dzɔdzú-Ɔ̀ɖáyé.

È tsɔ́ éwo-ara-ŋɛ́ ŋa rere ti nára-kíbí è wà lò gbà#á. Fee, è máa wà lìlò kíbí ɔ̀nyà lahururu ŋa. È lìlò kíbí ɛnɛ yèé nɛ́ ifɛ̀ɛ́nɔ́ ŋa#á bɛ́. Bí Ɔ̀ɖáyé tseé, tsí è rí ní ɔ̀nà-kã̀ tsí fú ŋɛ́ gé, è máa tse tsí kó lɔ ŋɛ́, iŋɛ́ yèé tse#ɛ́, náyé yèé àa wà si báàyí#ɛ́, ayé#ɛ́ bàdzɛ́.

È máa mɔ ɔtí ŋɔ́. Ɔtí mímɔ ŋɔ́ náa múnɛ tse tsítsìíra. Ó ɖi, è kɔ ara-ŋɛ́ dzɔ̀ɔ́ fú Mímí-Ɔ̀ɖáyé†, tsí kó wà ŋɔ́ ŋɛ́. Tsí afɔ̀ yèé è nákó wà fɔ̀ fú ara-ŋɛ́ ŋa#á nákó dzɛ́ orĩ, tsí è nákó wà kɔ̃, tsí wà ń nyɛ Ɔlá-wa. Nóòtítɔ́#ɛ́, Mímí-Ɔ̀ɖáyé nákó kɔ́ ŋɛ́ nórĩ ɔ̀kã̀lɔ́ɔ̀kã̀ kpó, tsí è nákó wà kɔ̃ fú Ɔlá-wa inɔ́ tã̀ã́, ànyì tã̀ã́. Ńǹwèrè ɔ̀kã̀lɔ́ɔ̀kã̀ kpó, è náa wà ɖɔ́kpɛ́ fú Ɔ̀ɖáyé Boba-wa fú iŋɛ́ ɔ̀kã̀lɔ́ɔ̀kã̀ kpó. È náa wà tse bɛ́ɛ̀, náàtsùgbé-iŋɛ́ yèé Yèésù Kírísítò Ɔlá-wa tse fú wa#á.

Ńbɛ̀ɛ́, è máa wà si gé náàrì nɛ́ ifɛ̀ɛ́nɔ́. Kà kàa bɛ́ɛ̀, è tsikpá, tsí e ma awù-Ɔlá-wa.

Ó ɖi, ɔnɔkɛ̃̀ɛ̃, ìwɔ gbo, nɛ́ àmúɖɔ̃̀ fú aya-ɛ̀ɛ. Kṹnukṹ kó nɛ́ àmúɖɔ̃̀ fú aya‐ɛ̀ ńǹrɔ́-kíbí Kírísítò nɛ́ àmúɖɔ̃̀ fú ɛgbɛ́‐ɛ̀ gbà, tsí dzɛ́, tsí gba ikú‐ɛ̀ kú#ɛ́.

Fee, dzɔ̀ɔ́ dzɔ̀ɔ́#ɛ́, è wà nóòkùkù-ayé gbaŋgba#á si ni. Ó ɖi báàyí#ɛ́, è ɖi ɔ̀kã̀ntso bá Ɔlá-wa si, tsí è wà ńmímá si ńǹkɛ̀ɛ́. Ńbɛ̀ɛ́, ó wà ní e wà lìlò kíbí ɛnɛ yèé ŋa wà ńmímá#á.

Kṹnukṹ kó balɛ éwo fú enìkéèdzì‐ɛ̀ náàtóoríi àrísá yèé è wà nɛ́ fú Kírísítò#ɛ́.

Ɔnɔbɛ̃̀ɛ̃ ŋa, è balɛ éwo fú ɔkɔ-ŋɛ́ ŋa kíbí è náa tse fú Ɔlá-wa#á.

Ó ɖi, afɔ̀#ɛ́, ó wo odzú-ɛ̀ŋɛ gbo. Fee, ó wà ní ɔnɔkɛ̃̀ɛ̃ ɔ̀kã̀lɔ́ɔ̀kã̀ kpó kó nɛ́ àmúɖɔ̃̀ fú aya‐ɛ̀ kíbí náa nɛ́ àmúɖɔ̃̀ fú ara‐ɛ̀#ɛ́. Tsí ɔnɔbɛ̃̀ɛ̃ ɔ̀kã̀lɔ́ɔ̀kã̀ gbo kpó kó nɛ́ àrísá fú ɔkɔ‐ɛ̀.

À kɔ si ńǸwé-Ɔ̀ɖáyé† ní: “Ńnɛ̀ ní ɔnɔkɛ̃̀ɛ̃ nákó ǹɖe ńɖi-boba‐ɛ̀ òŋu ìná‐ɛ̀, tsí káà tamá-aya‐ɛ̀#ɛ́, tsí àŋa méèdzì méèdzì#ɛ́, à nákó ɖi ɔ̀nyà ɔ̀kã̀ntso#ɛ́.”

È máa mú ara-ŋɛ́, tsí ń bɔ̀ ńŋɛ́-ògbóòró ŋa tsítse. Iŋɛ́ nyɛ̀ŋɛ̀ ŋa tsítse#ɛ́, iŋɛ́-òkùkù ni. Kà kàa e wà tse ŋa#á, è túùɖí-ŋa.