Populiarios Biblijos eilutės iš Kòlósì ŋa 1

Dalintis

Ɔ̀ɖáyé gbà wá dzɔ̀ɔ́ nɔ́wɔ́-Ètsù† olí-òkùkù, tsí kò nɛ́kpá si ńǹtá-wa ró, tsí ó kɛ́ wa lɔ káà si ńbí Ɔma àrínódzú‐ɛ̀ wà dzoyè#ɛ́.

Iŋɛ́ yèé tse#ɛ́, ńǹtá‐ɛ̀ ní Ɔ̀ɖáyé gbà, tsí ɖá iŋɛ́ ɔ̀kã̀lɔ́ɔ̀kã̀ kpó#ɛ́. Iŋɛ́ yèé wà ńǹtalɛ̀ bí, tsí ɔ̀nyà nákó nyáa rí òŋu odzú#ɛ́, iŋɛ́ yèé wà nɔ́ɔ̀rɔ̃, tsí ɔ̀nyà kàkó nyáa rí òŋu odzú#ɛ́, adzítsɛ́-ɔ̀rɔ̃† gbo, ikpá ɔ̀kã̀lɔ́ɔ̀kã̀ kpó yèé wà ńǹgbèrí#ɛ́ gbo, àŋa kpó, ńǹtá‐ɛ̀ ní Ɔ̀ɖáyé gbà, tsí ɖá ŋa#á. Ó tse bɛ́ɛ̀, àtsùgbée ayé#ɛ́ kpó kó rí lílákṹ-Ɔma bíbí‐ɛ̀.

Ɔma#á ti wà si bɔ̀ fú iŋɛ́ ɔ̀kã̀lɔ́ɔ̀kã̀ kpó. Tsí Ɔ̀ɖáyé gbà ńǹtá‐ɛ̀ gbo, tsí gba iŋɛ́ ɔ̀kã̀lɔ́ɔ̀kã̀ kpó ɖóro ńǹɖì‐ɛ̀ si.

Ɔ̀nyà-kã̀ kpókpó kàkó nyáa rí Ɔ̀ɖáyé. Ó ɖi, bí àa rí Ɔma bíbí‐ɛ̀ gé, àa kó mà ní àa wà rí Ɔ̀ɖáyé. Ó láre iŋɛ́ ɔ̀kã̀lɔ́ɔ̀kã̀ kpó yèé Ɔ̀ɖáyé ɖá#á.

Kíbí àa gbɔ́ bɛ́ɛ̀#ɛ́, ti nɔ́dzɔ́ nyɛ̀ŋɛ̀#ɛ́, àwa gbo, àa kò mí ìre wúwú fú Ɔ̀ɖáyé fú ŋɛ́. Àa náa wà bèrèé ní Mímí‐ɛ̀ kó fú ŋɛ́ ńfɛ̀ɛ́nɔ́ òŋu ìrã̀ã́mà ɔ̀kã̀lɔ́ɔ̀kã̀ kpó, tsí e ma awù‐ɛ̀ rere dzálɛ̀. Ɔ̀ɖáyé kó tse fú ŋɛ́ bɛ́ɛ̀, tsí ìgbèngbé-ŋɛ́ kó wà kíbí ìgbèngbé-ɛnɛ yèé dzɛ́ tɛ̀ɛ̀ ŋa#á. Ìgbèngbé-ŋɛ́ kó wà bɛ́ɛ̀, tsí iŋɛ́-ŋɛ́ kó dzɔdzú‐ɛ̀ nɔ́ɔ̀nà ɔ̀kã̀lɔ́ɔ̀kã̀ kpó, tsí e màá máa, tsí e tse ore ɔ̀kã̀lɔ́ɔ̀kã̀ gbo kpó.