Populiarios Biblijos eilutės iš 1 Tɛ̀sàlòníkì ŋa 4

Dalintis

Tsí àwa yèé gbo nákó wà náàyɛ̀ si ŋa#á, òŋu ɛnɛ yèé ti kú lɔ ŋa#á, Ɔ̀ɖáyé nákó kpérí wa kpó náàrìkã̀ntso, tsí mú wa gbà ńnɔ́-irì lɔ káà kpàɖé‐ɛ̀ náàtáforífo. Ti náàsòkò nyɛ̀ŋɛ̀#ɛ́, àa nákó wà ńɖi-Ɔlá-wa si títí lɔ.

Nɔ́dzɔ́-ɔdzɔ́ nyɛ̀ŋɛ̀#ɛ́, èébú-kã̀ nákó kpa lélélé, tsí ɔ̀gá-adzítsɛ́-ɔ̀rɔ̃†-kã̀ nákó tsóŋù, tsí ikpè-Ɔ̀ɖáyé gbo nákó ɖɔ̃́. Gbòkã́#á, Ɔlá-wa òŋu ká‐ɛ̀ nákó bɔ́ ti nɔ́ɔ̀rɔ̃, tsí olí-Yèésù yèé ti kú lɔ ŋa#á, à nákó dzí wá náyé náàtsɛ̃̀tsɛ̃̀.

Ó ɖi, awù-Ɔ̀ɖáyé ní dzɛ́ ní ìgbèngbé-ŋɛ́ kó nyà ɖíre ní ɛ̀ŋɛ wà nɔ́wɔ́ nɔ́wɔ́ si fú òŋu#ɛ́. Ìwɔ ɔkɔláya, aya-ɛ̀ɛ òŋu níìkã̀ kó tóɛ. Tsí ìwɔ ayalɔ́kɔ gbo, ɔkɔ-ɛ̀ɛ òŋu níìkã̀ kó tóɛ. Tsí ìwɔ yèé wà náàkpã́ si#ɛ́, ò kàa sũ̀ ìwɔ ɔ̀nyà-kã̀ kpókpó. Ɛnɛ kṹnukṹ kó ma kíbí kó mú ara‐ɛ̀ gbà#á. Kíbí è nákó wà lo ara-ŋɛ́ gbà#á, kó sã̀ nódzú-Ɔ̀ɖáyé, tsí sã̀ nódzú-ɔ̀nyà ŋa gbo.

Kíbí ó dzɛ́ ní àwa, olí-Yèésù ŋa, àa karalé ní Yèésù kú, tsí sɛ̃̀ dzí ti náàŋírĩ-òkú ŋa wá náyé#ɛ́, àa karalé gbo si ní ɛnɛ yèé gba Yèésù gbɔ́ ŋa, tsí ti kú lɔ ŋa#á, Ɔ̀ɖáyé nákó dzí àŋa gbo wá náyé#ɛ́ báa.

È múgírí, tsí e wà ɖɔ̃̀. È máa tarũ bɔ̀ náfɔ̀-olí-afɔ̀-kã̀ gbo. Tsí è náa dzɛ dzídzɛ-itsɛ́-ɔwɔ́-ara-ŋɛ́ ŋa. Bɛ́ɛ̀ ní àa ti kɔ́ ŋɛ́ wáa lɔ#ɛ́.

Ó ɖi, Ɔ̀ɖáyé kò kpè wá ní àa kó wáa lìlò wérewère ŋa. Ó kpè wá ní àa kó wà nɔ́wɔ́ nɔ́wɔ́ si fú òŋu ni.