Populiarios Biblijos eilutės iš 1 Timoteo 4

Dalintis

La chrókuahya kuentá kjónté tsjanoá chojni ti jaha kixin na̱xa̱ ndasoyá. Ícha jína chrókjuákoéxian ti sin tinkáchónki Ìnchéni nkexrín chrónixja sin, nkexrín ndoá chrókꞌuejó sin la ko nkexrín chrótjue̱hé sin Díos la ko nkexrín chrókuitekaon sin Ìnchéni kixin tjóá chrókꞌuejó sin.

Kixin ti chojni tóxríhi̱n chrókuinká la jína tíha, kjánchó a̱ntsí tjetoan ti chrókóxakoheni chrókjueyáni Díos. Tíha la tsjinki̱tsa kixin jína tsꞌejóni ijie la ko chrꞌéxi̱n kixin tsꞌáyéhe̱ni ti kjuachón nkochríxín.

Chrokóxakohan chrókjuákoxian jína la ko chaxín jína chrókjuàkua ti itan, la chrókjui̱nchexiteyá kaín ti nkehe jína, ndá xi̱kaha la tsaá jaha la ko kaín ti sin tjejótihin tjàkua.

Ndáchro Ncha̱kuén Díos kixin ti ó chjina tsjeje̱ chjasintajni la iso sin mé tsíto̱he sin, í tsinkáchónkihya sin Ìnchéni, ndá tsitekaon sin ti ncha̱kuén jínahña sichꞌiyehe ti jehe sin la tsitekaon sin ti nkehe tsjako.

Méxra̱ chrókuitekakonhña ti cuento kuènté chjasintajni la ko ti nkehe nduáhya tinkáchónki chojni kixin ó chónkó tíha. A̱ndá a̱ntsí titekaoan Díos.

Ti na̱xa̱ tsjasánhya janhan, la nchekuáxian ti xroon itén Díos kixin tsihin kaín ti sin kíchóni la nchexraxinkaoan sin ti nkehe jína la ko tjákohé sin.