Populiarios Biblijos eilutės iš Yohani 16

Dalintis

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Loli bo u Muzimu Umuzelu, yuyo akuvumbula ubwanaloli ubwa Chala iza, akwiza pakubamanyisya ubwanaloli bosi. Atakwiza pakunena nu bulaghili ubwache nu bwache awe, loli akwiza pakunena zizyo akwivwa, sona akwiza pakubabuzya nizya vintu vivyo vikwiza pakuboneka muntazi.

Ukufika pakabalilo aka, mutalabitepo nachimo mwitabwa lyane. Laba, po mukwiza pakupokela, umwakuti ubuhobosu bwinyu bubanje bwakufikapo.

Naloli nkubabuzya ukuti chizapo kukwinyu ukuti ane imbuke pakuti nanti intakubuka, umwavwilizi atakwiza kukwinyu. Loli nanti nabuka, po nkwiza pakumutuma kukwinyu. Sona bo iza, akwiza pakubasimikizya abantu aba muchisu ichapasi ukuti akinong'onele kabo pambibi nubugholosu sona namumo u Chala akwiza pakulongela abantu kate kiza.

Momumo zibeleye namwe, ilelo muli ni chitima, loli nkwiza pakubennya sona. Amoyo ghinyu ghakwiza pakwizula nu buhobosu, ubuhobosu bubo nayumo umuntu atangabafyula. “Bo isiku lila lyakwana, mutakwiza pakundalusya nachimo. Naloli nkubabuzya ukuti Utata akwiza pakubapa chosi chicho mukulabila mwitabwa lyane.

Naloli nkubabuzya ukuti mukwiza pakulila nukufwifwitila, loli abantu aba muchisu ichapasi bakwiza pakuhoboka nkani. Amwe mukwiza pakuba ni chitima, loli ichitima chinyu chikwiza pakuba buhobosu.