Populiarios Biblijos eilutės iš ROMANIK 1

Dalintis

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

Amu ki keerei komyee tuguukyik che ma taagu kobooch yaetap ng'wony che naoksei eng' tuguuk che yaotin, agot kimnateennyi ne po koigeny ak ineendet iman ko Kamuktaindet; si ma ek icheek che tinyei lotania; Kiguitos ak kotaagu komyee kimnateet ne po koigeny ak piteetap Kamuktaindet che nga ma taagu kobooch yaetap ng'wony, kiguitos ak kotaagu eng' tuguuk che ki yai Ineendet; si ma ek icheek che tinyei lotania

amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.

Ki keng'aany nereegegap Kamuktaindet kobun kipsengwet agobo pistoet tugul ak yaityet tugul ne po piik, che kirindoi imanit eng' yaityet

Amu niito ki pagaakyi Kamuktaindet icheek maguutik che po teweernateet. Ki wal kobogorisyekwak piteet ne nyolu koek ne ma nyolu. Ak ko uu nooto ak icheek murenik, ki pagaakta piteet ne nyolu ne po kobogorisyek, ak kogasegei icheegei mageet ne lalei, koyachingei murenik eng' murenik nooto ne ma nyolu, ak taachei icheegei melekto ne yamegei ak yaityennywa. Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu

Kingo leen kondegei kole utaatiin, koberberitu, ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.