Populiarios Biblijos eilutės iš MATHIU 24

Dalintis

Hale ajarko, dan chong jui lui ning a hong tam jarra, mi atammin kan lungsiat hong om noning Tak-ha a tor nakhanna duitor ama ha shanring nati

hale rengram chongsat hi, jat rakip jiang shakhi chang na ranga ramuol pumpuia ri nanti; hale hava han a torna hong ni nati.

Hale nang nin ral le ral tho chongjet nanti, enru, nang nin nan ning man dong maru; ajarko hiva rakipngai hi a suak rang ke, tak-ha a torna ko la nimak.

Ajarko jat khat le jat khat chunga, hale rengram khat le rengram khat chunga hong kansuol nanti, hale mun dang danga bu om lui, natsat, le ning nu kan nik suak nati. Hiva rakip hi pong khodengthei phutna ani.

Vanram le simleiko lamang nati, tak-ha ka chong ngai hiko manglai noning.

Ajarko a tam lam ning kei ka minga hong nan ta, ti nanti u, “Kei Khrista ka ni,” hale a tam lam a le lam tianga na ruoi nanti.

Hava han anmanin nang ni ha pong khodengthei na penanti hale nathat nanti, hale jat rakip in ka ming jarra nang ni ha na matir nanti. Hale hava han a tam lamin kutsuikesui nei nanti, hale khat le khat hong kan enda nanti, hale khat le khat hong kan matir nanti. Han tashanthei nunchantho tam tak hong suok nanti a tam, lam a le lam tiang ruoi nanti.

Hale Jisun anmani jiang a hong sanga a ti, tu innom nang ni ha a le lam tiang an na ruoi mak na rang kan ning theiru.

Hiva jarra nangninom kanning chak omru, ajarko nang nin nan ngaidon mak, phat tak han Mi Pasalnai ha hong nati.

Hiva jarra kan ning theiru, ajarko nang ni nan puman a hong rang pha nang nin jet ma che u.

Tak-ha hava nikhuo le aphat ha ka pa nilui a, thaneithiangngai nom, hale tu khat in om jet ma u.

Ajarko Khrista mel pu a tashanthei kanlem hong suak nanti, hale anithei inko thang suaksa tenna a le lam tiang ruoi na rang jet na a lian tatak le a ngak a ngak pa do nanti u.

Tak-ha Noa phatlaija alui ni ang han, Mi Pasalnai ning a hong rang ham ni nati. Ajarko tuilian nikhuo a hong nimakma, Noa ning rokuang lian na alutmak karje, anmanin an chak anin mui an ruoi hale mui ruoi rang an kan pek an lui om. Hale tui a hong lian han anmani an renga atanpui suo maje an lui jetlui anga Mi Pasalnai nain a hong rang ham ni nati.