Populiarios Biblijos eilutės iš Kôlôs 1

Dalintis

Ñu bi mtlaih drei leh mơ̆ng klei myang klei mmăt, leh anăn atăt ba drei kơ ƀuôn ala mtao Anak Ñu khăp êdimi.

Kyuadah hlăm Ñu Aê Diê hrih leh jih jang mnơ̆ng hlăm adiê leh anăn ti lăn ala, mnơ̆ng arăng thâo ƀuh leh anăn mnơ̆ng arăng amâo thâo ƀuh ôh, thâodah phung myang, phung khua, phung khua kiă kriê, amâodah phung mâo klei dưi. Aê Diê hrih leh jih jang mnơ̆ng hŏng Ñu leh anăn pioh kơ Ñu.

Ñu jing Pô êlâo hĭn kơ jih jang mnơ̆ng, leh anăn jih jang mnơ̆ng ăt dôk kjăp hlăm Ñu.

Ñu jing rup Aê Diê Pô arăng amâo thâo ƀuh ôh. Ñu jing Pô kkiêng êlâo hĭn, Pô ti dlông hĭn kơ jih jang mnơ̆ng hrih leh.

Kyuanăn mơ̆ng hruê hmei hmư̆ hing klei anăn, hmei amâo mdei ôh wah lač kyua diih, akâo kơ Aê Diê bi bŏ diih hŏng klei thâo kral klei Ñu čiăng hlăm jih klei thâo mĭn leh anăn klei thâo săng myang, čiăng kơ diih hdĭp năng kơ Khua Yang, bi mơak kơ Ñu hlăm jih jang klei, mâo boh tŭ dưn hlăm jih jang bruă jăk, lŏ bi mđĭ klei thâo kral Aê Diê.