Populiarios Biblijos eilutės iš ROMMAI 12

Dalintis

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

Südonou Athaihou jürai maitao, Ramai zhuvea vanou Enou neletao hi khowe, süolouzü neletao nou neletao vei pfüphao hai hria sheelayu na ali büa, sheetoua ea polouveia Ramai hi popeikhaio, haisü neletao vei rako hilo rathore nasüe.

Neletao vei areih naye panou neletaoye le sousa-a bulo, neletao veahoyu kisü shamea toulo, alia tobai soumoa veachi paolo.

Ashi naye panou neletaoye koloso; ana avei nanou ashi naye kolo.

Thaihou jürai vei khu-leshi sünanou alinou liye leshilo, alia alinou liye tsükhouyu hisü lenou toulo.

Leshi hisü veikho soukhai laimoe. Ashinaye sü ngaoralo, avei nasü potoulo.

Neletao hilonou soulou veisa ha teitei hinou mai hrülaiye koa kaona-a hrülo.

Asamaitaore, neletao lahnou khü phoukhaiso, ana süsü Ramai rarou hi thaothouwuwo; daiolouzü sheeyu larübvü nou paoe, “Khü phouyu hai Aveie, Enou pao khada peilai, tea Mapaowo nou paoe.”

Kou-a vah soulo ea heeso. Lenoushoa Mapao kuvah soulo.

Alia Ahi peikhai touyu zhuvea süna vanou Enou neletao mai ali liye paowe. Nenou chozüyu hinou baimoa ne lah neye kupua chowuso; ana Ramai nou mai ali lihi peikhai touyu lüzha süna thaifüa leikei-a tsü cholo.

Maitali hia ashi donou ashinou rüpeiwuso, ana mai hrülai nghojünou dainou veikasa sünanou soulou baio.

Alinou liye koa lethao-a hrülo. Khaophu souso, ana nataiyu maiye koa satalo; neletao lah neletaoye nou tsü veie tea chowuso.

Süjüwo sheeyu larübvü nou paoyu kua: “Neletao ngaobamai houlouzü puhye sü vaipeikhaio; puhnou reilouzü puh panou külouwo; daiolouzü haibüa souyu hinou neletao nou puh pei hi meithou bokhai peilai.”

Neletaoye souveayu maitaoye hapeikhaio; puletaoye chaso ana hapeio. Sayu maiye koa sazhokhaio, krayu maiye koa krazhokhaio.

Neletao vei abuusü veahoyu Khristamai thaihou jüraimaiye koa zhitoukhaio, alia shevai shesü donou neletao kisü houpeikhaio.

Eletao vei pfüphao alihi zha taoli bue, alia zha haitao vei vah kukua bue. Süzhaibüa, Eletao hai alao khaia, Eletao sü Khristaye koa ali soulouyu hinou pfüphao alibaie, alia pfüphao alivei zha kukuyutao kua, Eletao-a alinou liye koa lou zhohrüloue.