© 2008, Wycliffe Bible Translators, Inc. All rights reserved.
℗ 2015 Hosanna

Diosa' kiika; Génesis, Éxodo y El Nuevo Testamento

<div class="version vid535 iso6393cbi" data-vid="535" data-iso6393="cbi">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Diosa' Na cha' ruku tiyami.</div><div class="p"> 1Naa tiba jutyunu uwanun Palaa mumu puu jumuya juwa' mitya, tiba dekenu uwanu yaa yumaa juwaami. Tsenmin Palaa mumu puu jumuya Diosba bulu chumuwaami, yaa Diosren juwa' mitya. 2Kayu tiba jutyunu uwanu, Palaaya yumaa Diosba bulu chumuwaami. 3Dios tsanguikaa&#241;u Palaa tene tiba dekemi. Tsa' mitya kumuinchi ti bain judeeshu juntsala yachi i'mujchiya dejutyuve. 4Ti bain imula ya' mityaa chumu detiyave, tsenmala juntsa chumu tiyamula chachillachee &#241;illu juu&#241;uuve. 5Entsa &#241;illu tsamantsa yapijuunainsharen danguemu &#241;illu, tsamantsa yapijuunamu bain ne danwaatyungue tirenu jutyu &#241;illuve.</div><div class="p"> 6Main Juan mumu rukunu Dios ya' mitya ee&#241;u, jamuwaami, 7chachillachi &#241;illu juu&#241;uuve tinutala kuinda kes nenu, tsenmalaa yanu demeengue' ya' mityaren juntsa &#241;illu juu&#241;uu jumunu kumuinchi dekeenguisa tyatu. 8Tsaaren Juanya juntsa &#241;illu juu&#241;uu jutyumi, matyu juntsa &#241;illu juu&#241;uu jumu' mityaa entsaave ti' kuinda kes nenu eramu chachi ne juuwaami Juanya. 9Ura &#241;illu juu&#241;uu jumu, matyu chachillanu danwaaki&#241;unguemu &#241;illuya, yumaa janundiyantsumi entsa tusha.</div><div class="p"> 10Yaa entsa tusharen ja' pumi; kumuinchi entsa tu yachee i&#241;uren, ya tsai' engu ja&#241;u, chachilla jaiba keengai'la yanu. 11Ya' chachilla' jungaa ja&#241;uren, ya' chachilla yanu jaiba ura' mikai'la. 12Tsen&#241;uren, mun yanu meengue' dekeengui&#241;u bain, juntsalanuya Diosa' na junuu detireve. 13Diosa' na tiyamu chachilla, tsanguendya' na dekita ee&#241;u na i' nakayan tsaitaa Diosa' na tiyaindetyuve, tsenmin ne ma ruku uwain Diosa' na dejusa ti' pa&#241;aa, Diosa' na tiyaindetyuve, matyu Diosren tsaa mutya', ya' na detisa tya&#241;aa, tsai' ya' na detiyave.</div><div class="p"> 14Tsenmin juntsa Palaa mumu puu jumu, chachi ma tiyaitu laaba bulu chumuwaave. Tsai' laaba tsana&#241;u, ya' tsamantsaa keewara jumunu entsai keemijamuwa deeyu, Dios ya' Na main juuve tya' yanu ku&#241;u tsamantsaa keewara jumunu, matyu tsamantsa estyamu Na tiba anbuda keewaatyu Nave tya' kuwa' rei juu&#241;ungue tirekaamu tsamantsaa keewara jumu entsangue katamuwa deeyu. 15Entsa rukunu laapu' patu Juan entsandimuwaave: Entsa rukunu pataa tsandimuwaayu: Iya entsai' puinmala kamain vera in benesha jamaa inu kayu pullave, naa iya juba jutyunu uwanun yaa yumaa jumuwa' mitya, timuwaayu, timi.</div><div class="p"> 16Yachiya tiba millai de-inuu jutyu, matyu tsamantsaa puree jumuchi, kumuinchi lala ura' itun, kayu jungajte ura' i-ideiyu. 17Leiya Mois&#233;schee mijakaramuwaave, tsaaren estya' keewaanu bain, naa ti naaju anbuda jutyu ura tsaa ju&#241;u bain juntsalaya Jesucristochee demijakarave. 18Diosnuya mu bain jayuuba kata' kerajdetuve; yachi main juu Na, matyu Dios ma juu, ya' Apaba main juu&#241;uu chumaa, Dios naaju&#241;u bain lalanu dekeemijakaave.</div><div class="s">Juan MungaamuJesucristo' kuinda kes nemi.</div><div class="r">(Mateo 3.11-12; Marcos 1.7-8; Lucas 3.15-17)</div><div class="p"> 19Jerusal&#233;nsha chumu jud&#237;o balela, Juan mu&#241;uba mijanu tyatu, umaa ya' junga chachilla' mitya Diosnu kalen jimu rukulanu bain, chachilla' mitya Diosnu kalen jimulanu kemishtimu Lev&#237;nu sera' jimu chachillanu bain eela pake'meenu. 20Tsa dei&#241;u Juan waindyatyu' ne jatsandyaba i'mujchi entsandi pakami: Iyaa Dioschi Mi'ke' Kayamu jutyuyu, timi.</div><div class="p"> 21Tsandi&#241;u yala manbake'meetu: Tsaashu juntsaa, &#191;&#241;u mujtuuyu? &#191;Diosa' mitya pamu ruku El&#237;as millaa? tila.</div><div class="p">Tsa deti&#241;u, Juan: Juntsa jutyuyu, timi.</div><div class="p">Tsen&#241;u yala kayu manbake'meetu: Tsaashu juntsaa, &#191;main Diosa' mitya pamu janu juushu juntsa, &#241;aa juntsa rukuu? tila.</div><div class="p">Tsa deti&#241;u, Juan: Naa juntsa bain jutyuyu, timi.</div><div class="p"> 22Tsen&#241;u umaa entsandila: Tsaashu juntsaa, &#191;&#241;u mujtuuyu? Lalanu eemu chachillanu kuinda mandajinu deju' mitya, &#241;u mu&#241;u bain lalanu mijanu tenve. &#191;Tsaaren &#241;u ura maaliya, muyu tinu juyu? tila.</div><div class="p"> 23Tsa deti&#241;u, Juan entsandi pakami: Diosa' mitya pamu ruku Isa&#237;as tiba den chutyuin tenasha main kuinda kes nemu ruku faatu: Bale Rukuchi mi&#241;u mantse'kaadei, #1.23 Isa&#237;as 40.3 tinu tsuve, timuwaa&#241;u' mitya, iya juntsa rukuyu, timi.</div><div class="p"> 24Tsen&#241;u fariseo chachiitala dete'lara' Juannu pake'meenu jimula 25entsandi manbake'meela: Tsaashu juntsaa, &#191;nen&#241;aa chachillanu mungares neneiyu, naa Dioschi Mi'ke' Kayamu bain jutyu, naa El&#237;as bain jutyu, naa Diosa' mitya panu jamu chachi bain jutyuba? tila.</div><div class="p"> 26Tsa deti&#241;u Juan entsandi manbakami: Iyaa pichi ne mungares neintsuyu; tsaaren &#241;ulla' kejtsapala main puve &#241;ulla kerajtunu ruku, 27i entsai' puinmala, yaa in bendaa maamu rukuve. Juntsa rukuba pensangue' kee&#241;u, iya balejtunchin naa ne ya' sandalia chuwan juu&#241;uba malandeta eenuba ma jutyuuyu, timi.</div><div class="p"> 28Kumuinchi entsa tsaa puimiya Jord&#225;n pi bejkusha, pajlainsha, Betania mumu tenanaa tsaimi, Juan mungaren punu tenabi.</div><div class="s">Jes&#250;s uvejaaba ju' tuta'Diosnu kuwan tsainu juve.</div><div class="p"> 29Umaa ayunchi Jes&#250;snu ya' junga kalen jantsu Juan katatu tsandimi: Keekidei, entsa rukaa Dioschi uvejaaba ju' tuta' kuwan tsa-i', kumuinchi chachilla' ujcha demanbirekaamu rukuve. 30Yanu laapu' pataa tsandimuwaayu: I entsai' puinmala kamain vera in benesha jamuya inu kayu pulla baleve, naa iya juba jutyunu uwanun yaa yumaa juwa' mitya. 31Iren ma mijtuuwaayu maa juntsa&#241;u bain, tsaaren Dios Israel chachilla yanu dekeemijasa tya&#241;aa, iya pichi mungares nenu jayu, timi.</div><div class="p"> 32Tsanditu Juan tsandimi: Esp&#237;ritu Santo paluma keraa selusha ja' yanu paja&#241;u katawayu. 33Tsejtu naa tsainu ju&#241;u bain, i keengan jutyunuren, pichi mungares nenu inu eemu rukaa entsandimuwaave: Munaa Esp&#237;ritu Santo ya' mishbui'sha paja' yaba bulu shuwa&#241;uba, Esp&#237;ritu Santochi mungares nenu junuu&#241;aa tsainu tsuve, timuwaave. 34Tsa' mitya uwain i juntsaintsu ma kataake' mitya, uwain entsa Diosa' Nave tinu juyu, timi.</div><div class="s">Jes&#250;schi ajke' disipulula</div><div class="p"> 35Juntsa ayunchi manen Juan junuren manbumi ya' disipulu pallu miyaa. 36Tsejtu tsanatu Jes&#250;snu jundala puintsu&#241;u kata-eetu tsandimi: &#161;Entsa rukaa Dioschi uvejaaba ju' tuta' kuwan tsainu jumu rukuve! timi. 37Tsandi&#241;u demeetu juntsa pai disipulula Jes&#250;s' bendaa jiila. 38Tsaindetsu Jes&#250;s mayate' ke-eetu yanu bendaa kendetsu&#241;u katatu entsandi pake'meemi: &#191;Tyee mi'kes nendu deiyu? timi.</div><div class="p">Tsandi&#241;u yala entsandi pakala: Rab&#237;, &#191;nukaa chuyu? tila, (Rab&#237; tishu juntsaa, &#8220;mashturu&#8221; titu).</div><div class="p"> 39Tsa deti&#241;u Jes&#250;s: Jatu mijadei, timi.</div><div class="p">Tsen&#241;u ya' bendaa dejitu, nukaa chu&#241;u bain dekeemija', juntsa maluya yaba bulu puila, kepenu yumaa pai ura faatanaa, yala tsaita nendetsu' mitya.</div><div class="p"> 40Tsejtu Juan pa&#241;u meena' Jes&#250;s' bendaa jimu juntsa pai rukula mainya Andr&#233;smi, Sim&#243;n Pedro' naatala. 41Tsai' demaatu Andr&#233;s maja majan naa tiba vera juu ki'mujchi ya' naatala Sim&#243;nnaa ajke' mami'ketu entsandimi: Umaa Dioschi Mi'ke' Kayamunu dekatayu, timi, (Dioschi Mi'ke' Kayamu tishu juntsaa, Cristo titu).</div><div class="p"> 42Tsejtu bene Andr&#233;s ya' naatala Sim&#243;nnu Jes&#250;s' junga taji' keemijakaa&#241;u, Jes&#250;s kata' kerai shuwatu tsandimi: &#209;uya Sim&#243;nve. &#209;u' apa Juan mumuve. Tsaaren entsa ajkesha &#241;u Cefas mumunu tsuve, timi. (Tsaaren Cefas tishu juntsaa, griego palaachiya Pedro ti&#241;uuve.)</div><div class="s">Natanaelnu bain, Felipenu bainJes&#250;s ya' chachi detiremi.</div><div class="p"> 43Juntsa ayunchi Jes&#250;s Galilea tusha jinu pensanguemi; tsejtu Felipenu katatu tsandimi: Iba bulu ne' mijanu in bendala jade, timi.</div><div class="p"> 44Entsa Felipe Betsaida pebulusha chumu chachi ju', Andr&#233;s bain, Pedro bain naaju&#241;uba juntsaami. 45Felipe, Natanaelnu mi'keja' katatu tsandimi: Umaa dekatayu yanu paka' piike', naa Mois&#233;s bain ya' piike&#241;u leinu piikemin, naa Diosa' mitya pamu chachilla bain yanuren paka' piikeminguemuwa deesu juntsa unberenu. Jes&#250;sya juntsave, Jos&#233;' na, Nazaret pebulusha chumu ruku, timi.</div><div class="p"> 46Tsandi&#241;u Natanael tsandimi: &#161;Ka! &#191;Tsaa Nazaretshaba tyeeba uraa faachunga? timi.</div><div class="p">Tsen&#241;u Felipe: Asu, jatu mijade, timi.</div><div class="p"> 47Tsen&#241;u Jes&#250;s ya' junga Natanaelnu jantsu katatu tsandimi: Uwain Israel chachi jutu naajunuu&#241;uba juntsaju' tinuba anbukityu jumu enu jantsuve, timi.</div><div class="p"> 48Tsen&#241;u Natanael tsandimi: &#191;Nejtaa &#241;u inu kerayu? timi.</div><div class="p">Tsen&#241;u Jes&#250;s: Felipe kayu &#241;unu mikabanguindyu, &#241;u igu chi pandainsha punashu juntsa uranun iya &#241;unu katayu, timi.</div><div class="p"> 49Tsandi&#241;u Natanael tsandimi: &#161;Mashturu, uwain &#241;aa Diosa' Nave, &#241;aa Israel chachilla' reive! timi.</div><div class="p"> 50Tsen&#241;u Jes&#250;s tsandimi: Iguera chi pandainsha &#241;unu katayu ti&#241;aa &#191;keenguityuika? Tsaaren bene kayu entsanu pullaa keenguen jutyuu bain tiba dekatanu tsuve, timi.</div><div class="p"> 51Tsejtu entsa bain tsandimi: Uwaindiyu naa selu bain juunanmala, naa Chachi Tiya' Nakayamu' kai'tala bain Diosa' anjeela malu' manbaja manbajaindetsu &#241;ulla katanu detsuve, timi.</div>
 </div>
 </div>
</div>

Naa tiba jutyunu uwanun Palaa mumu puu jumuya juwa' mitya, tiba dekenu uwanu yaa yumaa juwaami. Tsenmin Palaa mumu puu jumuya Diosba bulu chumuwaami, yaa Diosren juwa' mitya. Kayu tiba jutyunu uwanu, Palaaya yumaa Diosba bulu chumuwaami. Dios tsanguikaañu Palaa tene tiba dekemi. Tsa' mitya kumuinchi ti bain judeeshu juntsala yachi i'mujchiya dejutyuve. Ti bain imula ya' mityaa chumu detiyave, tsenmala juntsa chumu tiyamula chachillachee ñillu juuñuuve. Entsa ñillu tsamantsa yapijuunainsharen danguemu ñillu, tsamantsa yapijuunamu bain ne danwaatyungue tirenu jutyu ñilluve.
Main Juan mumu rukunu Dios ya' mitya eeñu, jamuwaami, chachillachi ñillu juuñuuve tinutala kuinda kes nenu, tsenmalaa yanu demeengue' ya' mityaren juntsa ñillu juuñuu jumunu kumuinchi dekeenguisa tyatu. Tsaaren Juanya juntsa ñillu juuñuu jutyumi, matyu juntsa ñillu juuñuu jumu' mityaa entsaave ti' kuinda kes nenu eramu chachi ne juuwaami Juanya. Ura ñillu juuñuu jumu, matyu chachillanu danwaakiñunguemu ñilluya, yumaa janundiyantsumi entsa tusha.
Yaa entsa tusharen ja' pumi; kumuinchi entsa tu yachee iñuren, ya tsai' engu jañu, chachilla jaiba keengai'la yanu. Ya' chachilla' jungaa jañuren, ya' chachilla yanu jaiba ura' mikai'la. Tsenñuren, mun yanu meengue' dekeenguiñu bain, juntsalanuya Diosa' na junuu detireve. Diosa' na tiyamu chachilla, tsanguendya' na dekita eeñu na i' nakayan tsaitaa Diosa' na tiyaindetyuve, tsenmin ne ma ruku uwain Diosa' na dejusa ti' pañaa, Diosa' na tiyaindetyuve, matyu Diosren tsaa mutya', ya' na detisa tyañaa, tsai' ya' na detiyave.
Tsenmin juntsa Palaa mumu puu jumu, chachi ma tiyaitu laaba bulu chumuwaave. Tsai' laaba tsanañu, ya' tsamantsaa keewara jumunu entsai keemijamuwa deeyu, Dios ya' Na main juuve tya' yanu kuñu tsamantsaa keewara jumunu, matyu tsamantsa estyamu Na tiba anbuda keewaatyu Nave tya' kuwa' rei juuñungue tirekaamu tsamantsaa keewara jumu entsangue katamuwa deeyu. Entsa rukunu laapu' patu Juan entsandimuwaave: Entsa rukunu pataa tsandimuwaayu: Iya entsai' puinmala kamain vera in benesha jamaa inu kayu pullave, naa iya juba jutyunu uwanun yaa yumaa jumuwa' mitya, timuwaayu, timi.
Yachiya tiba millai de-inuu jutyu, matyu tsamantsaa puree jumuchi, kumuinchi lala ura' itun, kayu jungajte ura' i-ideiyu. Leiya Moiséschee mijakaramuwaave, tsaaren estya' keewaanu bain, naa ti naaju anbuda jutyu ura tsaa juñu bain juntsalaya Jesucristochee demijakarave. Diosnuya mu bain jayuuba kata' kerajdetuve; yachi main juu Na, matyu Dios ma juu, ya' Apaba main juuñuu chumaa, Dios naajuñu bain lalanu dekeemijakaave.


Jerusalénsha chumu judío balela, Juan muñuba mijanu tyatu, umaa ya' junga chachilla' mitya Diosnu kalen jimu rukulanu bain, chachilla' mitya Diosnu kalen jimulanu kemishtimu Levínu sera' jimu chachillanu bain eela pake'meenu. Tsa deiñu Juan waindyatyu' ne jatsandyaba i'mujchi entsandi pakami: Iyaa Dioschi Mi'ke' Kayamu jutyuyu, timi.
Tsandiñu yala manbake'meetu: Tsaashu juntsaa, ¿ñu mujtuuyu? ¿Diosa' mitya pamu ruku Elías millaa? tila.
Tsa detiñu, Juan: Juntsa jutyuyu, timi.
Tsenñu yala kayu manbake'meetu: Tsaashu juntsaa, ¿main Diosa' mitya pamu janu juushu juntsa, ñaa juntsa rukuu? tila.
Tsa detiñu, Juan: Naa juntsa bain jutyuyu, timi.
Tsenñu umaa entsandila: Tsaashu juntsaa, ¿ñu mujtuuyu? Lalanu eemu chachillanu kuinda mandajinu deju' mitya, ñu muñu bain lalanu mijanu tenve. ¿Tsaaren ñu ura maaliya, muyu tinu juyu? tila.
Tsa detiñu, Juan entsandi pakami: Diosa' mitya pamu ruku Isaías tiba den chutyuin tenasha main kuinda kes nemu ruku faatu: Bale Rukuchi miñu mantse'kaadei, tinu tsuve, timuwaañu' mitya, iya juntsa rukuyu, timi.
Tsenñu fariseo chachiitala dete'lara' Juannu pake'meenu jimula entsandi manbake'meela: Tsaashu juntsaa, ¿nenñaa chachillanu mungares neneiyu, naa Dioschi Mi'ke' Kayamu bain jutyu, naa Elías bain jutyu, naa Diosa' mitya panu jamu chachi bain jutyuba? tila.
Tsa detiñu Juan entsandi manbakami: Iyaa pichi ne mungares neintsuyu; tsaaren ñulla' kejtsapala main puve ñulla kerajtunu ruku, i entsai' puinmala, yaa in bendaa maamu rukuve. Juntsa rukuba pensangue' keeñu, iya balejtunchin naa ne ya' sandalia chuwan juuñuba malandeta eenuba ma jutyuuyu, timi.
Kumuinchi entsa tsaa puimiya Jordán pi bejkusha, pajlainsha, Betania mumu tenanaa tsaimi, Juan mungaren punu tenabi.

Umaa ayunchi Jesúsnu ya' junga kalen jantsu Juan katatu tsandimi: Keekidei, entsa rukaa Dioschi uvejaaba ju' tuta' kuwan tsa-i', kumuinchi chachilla' ujcha demanbirekaamu rukuve. Yanu laapu' pataa tsandimuwaayu: I entsai' puinmala kamain vera in benesha jamuya inu kayu pulla baleve, naa iya juba jutyunu uwanun yaa yumaa juwa' mitya. Iren ma mijtuuwaayu maa juntsañu bain, tsaaren Dios Israel chachilla yanu dekeemijasa tyañaa, iya pichi mungares nenu jayu, timi.
Tsanditu Juan tsandimi: Espíritu Santo paluma keraa selusha ja' yanu pajañu katawayu. Tsejtu naa tsainu juñu bain, i keengan jutyunuren, pichi mungares nenu inu eemu rukaa entsandimuwaave: Munaa Espíritu Santo ya' mishbui'sha paja' yaba bulu shuwañuba, Espíritu Santochi mungares nenu junuuñaa tsainu tsuve, timuwaave. Tsa' mitya uwain i juntsaintsu ma kataake' mitya, uwain entsa Diosa' Nave tinu juyu, timi.

Juntsa ayunchi manen Juan junuren manbumi ya' disipulu pallu miyaa. Tsejtu tsanatu Jesúsnu jundala puintsuñu kata-eetu tsandimi: ¡Entsa rukaa Dioschi uvejaaba ju' tuta' kuwan tsainu jumu rukuve! timi. Tsandiñu demeetu juntsa pai disipulula Jesús' bendaa jiila. Tsaindetsu Jesús mayate' ke-eetu yanu bendaa kendetsuñu katatu entsandi pake'meemi: ¿Tyee mi'kes nendu deiyu? timi.
Tsandiñu yala entsandi pakala: Rabí, ¿nukaa chuyu? tila, (Rabí tishu juntsaa, “mashturu” titu).
Tsa detiñu Jesús: Jatu mijadei, timi.
Tsenñu ya' bendaa dejitu, nukaa chuñu bain dekeemija', juntsa maluya yaba bulu puila, kepenu yumaa pai ura faatanaa, yala tsaita nendetsu' mitya.
Tsejtu Juan pañu meena' Jesús' bendaa jimu juntsa pai rukula mainya Andrésmi, Simón Pedro' naatala. Tsai' demaatu Andrés maja majan naa tiba vera juu ki'mujchi ya' naatala Simónnaa ajke' mami'ketu entsandimi: Umaa Dioschi Mi'ke' Kayamunu dekatayu, timi, (Dioschi Mi'ke' Kayamu tishu juntsaa, Cristo titu).
Tsejtu bene Andrés ya' naatala Simónnu Jesús' junga taji' keemijakaañu, Jesús kata' kerai shuwatu tsandimi: Ñuya Simónve. Ñu' apa Juan mumuve. Tsaaren entsa ajkesha ñu Cefas mumunu tsuve, timi. (Tsaaren Cefas tishu juntsaa, griego palaachiya Pedro tiñuuve.)

Juntsa ayunchi Jesús Galilea tusha jinu pensanguemi; tsejtu Felipenu katatu tsandimi: Iba bulu ne' mijanu in bendala jade, timi.
Entsa Felipe Betsaida pebulusha chumu chachi ju', Andrés bain, Pedro bain naajuñuba juntsaami. Felipe, Natanaelnu mi'keja' katatu tsandimi: Umaa dekatayu yanu paka' piike', naa Moisés bain ya' piikeñu leinu piikemin, naa Diosa' mitya pamu chachilla bain yanuren paka' piikeminguemuwa deesu juntsa unberenu. Jesúsya juntsave, José' na, Nazaret pebulusha chumu ruku, timi.
Tsandiñu Natanael tsandimi: ¡Ka! ¿Tsaa Nazaretshaba tyeeba uraa faachunga? timi.
Tsenñu Felipe: Asu, jatu mijade, timi.
Tsenñu Jesús ya' junga Natanaelnu jantsu katatu tsandimi: Uwain Israel chachi jutu naajunuuñuba juntsaju' tinuba anbukityu jumu enu jantsuve, timi.
Tsenñu Natanael tsandimi: ¿Nejtaa ñu inu kerayu? timi.
Tsenñu Jesús: Felipe kayu ñunu mikabanguindyu, ñu igu chi pandainsha punashu juntsa uranun iya ñunu katayu, timi.
Tsandiñu Natanael tsandimi: ¡Mashturu, uwain ñaa Diosa' Nave, ñaa Israel chachilla' reive! timi.
Tsenñu Jesús tsandimi: Iguera chi pandainsha ñunu katayu tiñaa ¿keenguityuika? Tsaaren bene kayu entsanu pullaa keenguen jutyuu bain tiba dekatanu tsuve, timi.
Tsejtu entsa bain tsandimi: Uwaindiyu naa selu bain juunanmala, naa Chachi Tiya' Nakayamu' kai'tala bain Diosa' anjeela malu' manbaja manbajaindetsu ñulla katanu detsuve, timi.

Klausytis Juan 1