ROMA 12
12
1Dejoo owe akotnak! Allah seekot daytinak aoemero apormin. Emesare, dere emes atakam fiak tara ajanimmin. Tadamo Allah atetamteteray. Me tadamo, ere jatiaptam pak Allah batetam are. Tadamo, Armat Ipit karai baetamam, Armat Ipit jak akot baemapomtamam, Armat ipit emes atetamteteray. Emes baem, ere Allah basitimnak pak. 2Tare ara aemansa tapirmi owe aememas pak bajamkai bas. Me, Allah ai bimak binip tara batetamtetertan. Ararawa, ai jakam atetamteman. Emesare, tare Allah akot apormar pak tamsam aememtemakam. Ere Allah akot apormar pak, akot erare. Ere Armat Ipit ji bae pak erare. Ere akotnak pak erare.
3Allah asan akot dera atetamen. Erarawa Are akarai baetam ipit ataemen. Dere emes apormin arawa, emes atakam tare takes akorommin. Tare tamba baemetemtem bas. Tare ere, bimak binip turu atetaramay. Allah, wan owe, ajiirey bae daytinak emes, bimak binip atetame. Tararawa, Allah tara atetamteteren jiirey baee pak, daytu apaye, kope apaye, emes bimak binip jipu turu atetaramteteray. 4Emesare, owe kamtanam, sepam, banamek aptam. Me taka takaam apa pak baem are. 5Danom emes are. Dare owe tanane. Dare Kristus takan ajamkaimarom. Erarawa dare damo taka emes tamen are. Danom owe takan. 6Allah, karai Ara baetam tastu pak, dare oweo aememayom bambi atetamero. Emesare, dare era tastu pak bambi baemomem bas. Allah, aatakam bakoretam tastu atakam dara atetamero apaye, dare era jiirey Armat Ipit aeemarom atakam jipu, atakam bakoretam. Dare jiirey daytu aeemarom apaye, dare atakamam fiak bakoretam. 7Allah, dare owe pak baemtam tastu atetamero apaye, dare owe pak baemtam. Allah, owe baememtam tastu pak dara atetamero apaye, ere dare owe baememtam. 8Are owe ataane baowe tastu pak dara atetamero apaye, dare owe ataane baowe. Are pak owe basaietam tastu pak dara atetamero apaye, dare era pak sai basaietam. Are atakam basakamtam tastu pak dara atetamero apaye, danom karai fiak bae. Era owe asan akot baem tastu pak dara atetamero apaye, dare era pak jak akot aptam baem.
Owe bafaimkorom atakam
9Tare owe bafaim apaye, pir bae bas. Era asan pota pak bifane afeomay. Me akot pak aemaaray. 10Tare afaimamay— duturu takan jii tamena. “Owe, wan owe batemtemtas. Are dera batemtem bas.” Emes atakamnak aesimteteray. 11Karai fiaka! Tare bamesem bas. Tuhan karai baetam, jafer aememay. 12Tare Tuhan jiirey aeemakam. Erarawa jak akot aememay. Ajirisemtakam, jak jirao aememay. Atakam Allah ajanimaaray. 13Yesus ambesemmas owe asan pota aemaptas, tapak sai era owe asaietamay. Jaki owe, tatame atoomjiiay.
14Allah, asan akot, tara ajurusumeman owe batetam, atakam ajanimay. Allah, era owe bajurusum, atakam bajanim bas. 15Owe jak akot aememtas, tanom jak akot takan aememay. Owe bate ambattas, tanom bate takan ajambatay. 16Tanom bimak binip awara. “Dere owe akot. Me wan owe pota.” Emes bimak binip bas. Tanom era pota koser owe afaimay. “Demsam takes,” emes bimak binip bas.
17Owe, pota pak tara aemtan, pota pak biti era owe bojie bas. Tanom owe takes era akot apormas pak jipu aemay. 18Owe takes akipimtaerporay. Ere jati tafiak pak baem. 19Dejoo owe akotnak! Tanom pota pak biti bajie bas. Allah, era pota pak biti amba bajito. Alkitab bomon, Tuhan emes atakam akorem: “Era pota pak biti bajie, ere depak. Biti dema ajitemin.” Tuhan emes atakam akorem. 20Tare ere, Alkitab emes atakam ji aeay. “Me tajokoman owe amosto aemaptas, amos atetamay. Bwito aemaptas, bwi atetamay. Emes aemtakam, era owe damke akeaptemas.” Alkitab emes atakam akorem. 21Me pota pak tara bakumimosom bas. Owe, pota pak tara aemtan apaye, akot pak biti era owe ajiay.
Oyo Eponami Sikoyo:
ROMA 12: LAIASC
Tya elembo
Kopya
Kokisana
Kabola
Olingi kobomba makomi na yo wapi otye elembo na baapareyi na yo nyonso? Kota to mpe Komisa nkombo