Na Sailm 124
124
Salm 124.
Nisi quia Dominus.
1Murab é go raiḃ an Tiarna é féin ar ár dtaoḃ, féadann Iosrael a rá anois: murab é go raiḃ an Tiarna ar ár dtaoḃ, nuair a dʼéiriġ na daoine inár n‑aġaiḋ;
2Ḃíomar slogṫa beo ina gcraos: le méid a ḃfíoċa agus a ḃfeirge linn.
3Báḋ sinn gan aṁras sna huiscí: ċuaiġ an sruṫ ṫar ár n‑anam.
4Ċuaiġ uiscí doṁaine luċt an díomais: ṫarainn go fiú ár n‑anama.
5Aċ molaḋ leis an Tiarna: nár lig leo sinn mar ċreaċ dá ḃfiacla.
6Ṫáinig ár n‑anam slán mar ṫagann an t‑éan as dol an ḟiagaí: bristear an dol, agus táimid fuascailte.
7Is é Ainm an Tiarna ár gcúnaṁ: Ainm an Té a rinne neaṁ agus talaṁ.
© Cumann Gaelach na hEaglaise (Irish Guild of the Church) 1965