Na Sailm 125
125
Salm 125.
Qui confidunt.
1An drong a ċuireas a muinín sa Tiarna, beiḋ siad mar ṡliaḃ Ṡíóin: naċ féidir a ċorraí, aċ a ḃíos ina ṡeasaṁ daingean go deo.
2Bíonn na cnoic ina seasaṁ timpeall Iarúsalem: is ar an nós ċéanna a ḃíos an Tiarna ina ṡeasaṁ timpeall a ṗobail, anois agus go bráċ.
3Óir ní ḟanfaiḋ fearann an ḟíréin faoi ṡlait an ḟir oilc: ar eagla go gcuirfeaḋ na fíréin a láṁa in urċóid.
4Déan maiṫ, a Ṫiarna: do na deaḋaoine agus do ḋrong an ċroí ḟír.
5Aċ an dream a ḟilleas faoi ḋéin a n‑oilc féin: beiḋ an Tiarna á dtiomáint amaċ i gcuideaċta luċt na míġníoṁarṫa; aċ beiḋ an tsíoċáin ar Iosrael.
© Cumann Gaelach na hEaglaise (Irish Guild of the Church) 1965