1 Korenti 5
5
Ti cagindi Kilisiti Nitaanli siiga
1I kaani kuli bi niba tua ke ti cagindi ye yi siiga, yaa cagindi buolu n kaa ye ba bi nilanba siiga. Lani n tie ke yi siiga, yendo ye leni o baa pua.#Tia 23.1. 2Ama ba yeni, yi gbengidi yi yula, kaa biidi yi pala ki mua i kumoe, ki ñani yi siiga yua n tieni laa cagindi. 3Mini yaa po, ba ke n foagi leni yi n gbanandi nni, n ye leni yi n yantiali nni. N mali ki jia yua n tieni laa bonla yeni buudi, nani n ye leni yi yeni. 4O Diedo yeli po leni o paalu po, yikuli yaa taani, nmoko ye leni yi n yantiali nni. 5Yin teni laa nilo Sutaani, ke wan bolini o gbanandi ke o naano n tindi o Diedo Jesu n baa cua yaa daali.
6Yin gbengidi yi yula maama yeni, laa ŋani. Yii bani ke li dabinli waamu bebe baa teni ti yonbudi kuli n pili yo?#Gal 5.9. 7Yin ñani mani yi siiga li dabinkpeli, ki tua nani ti yonbupandi yaadi n ki pia dabinli yeni. Moamoani yi tie laa yonbudi, kelima bi padi Kilisiti yua n tie ti Pendima jaanma pebiga no.#Ñam 12.5. 8Lanwani, tin jaani laa jaanma ke laa tie leni li dabinkpeli, mi biadima dabinli bi leni ti cagindi dabinli. Ama tin jaani ma leni yaa dupen n ki pia dabinli, lani n tie li papienli leni i moamoani.#Ñam 13.7; Tia 16.3.
9N den diani yi po li tili, ki waani yi ke yin da pia ŋantaadoba leni mi conconma danba. 10Mii bagi ke yin da pia ŋantaadoba kuli leni ŋanduna yaaba ka. Bani, bi tie conconma danba, ŋaliŋabuaba, i janbi danba leni yaaba n ŋua i buli. Yi yàá bua ki yaa pia ŋantaado leni ba, se yin ña ŋanduna nni. 11Min den diani ki bua ki waani yi yaala tie line: yin da pia ŋantaado leni yua n yedi ke o tie yi kpiilo ki nan conbi, ki tie ŋaliŋabualo, ki ŋua i buli, ki sugidi bi niba, ki tie dañogaado yaa ka janbi daano. Yin da tuo ba ki taani ki je leni laa nibuolu.
12Naani niinpo yaaba buudi jiama tie n yaa tuonli yo? Yi ŋmiali nni buudi, yinba ka baa yaa ja ti? 13Ama niinpo yaaba, U Tienu baa jia bi buudi. Deli mani ki ñani o nibiado yi siiga.#Tia 13.5; 17.7.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 Korenti 5: BGP
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Gulmancema Protestant Bible © Bible Society of Burkina Faso, 2013.