1 Korenti 4
4
Jesu tondiba n tie yaala
1Lanwani, li pundi ban yaa nua ti ke ti tie Kilisiti naacenba, U Tienu n puogi yaaba ban yaa wangi o bondoaginkaala. 2Bi yaa puogi o nilo li tuonli, ban lingi yaala o kani tie wan yaa tie nidugika. 3Mini yaa po, yi yaa jia n buudi, laa tie n po liba. Li bali danba mo yaa jia n buudi, laa tie n po liba. Mini n ba mo ki ja n yuli buudi. N pali siedi mo ki bu leni nni liba kuli po. 4Ama lani ka doagidi ke n pia moamoani, yua n ja n buudi tie o Diedo. 5Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi. 6N kpiiba, n maadi mini leni Apolosi maama na, nani mi kpanjama yeni, ke yin togidi tin tie maama, ki da tua japaadanba. Min maadi yaala tie ke yin da kpiagi niyendo ki fali o lielo. 7Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?
8Moala, yi baa yin bua yaala kuli! Moala, yi tua piada! Yi cili ki dini li bali ke ti yaama ki taa lienni! N bi sugini yin je li bali moamoani, ke timoko n baa ki taani leni yi ki yaa die! 9Ama li tie n po nani U Tienu n bili ke tinba o tondiba n yaa tie puoli yaaba, nani ban jia yaaba yaa buudi ke bi baa kpa yeni. Bi sieni ti asala nni, malekinba leni bi nisaaliba kuli nintuali. 10Tinba, ti tie yanluodanba kelima wani Kilisiti po. Ama yinba wani tie yanfuodanba Kilisiti nni. Ti tadi, ama yinba wani pa. Bi kpiagi yinba, ama bi yuandi tinba. 11Hali moala ti ye leni mi koma, u ñuñuunu, ti cadi leni ti puadi, ki go tie lianliama. 12Ti tuuni leni ti nii hali ki coagi. Bi niba yaa sugidi ti, ti gaaliti ba. Bi yaa wangi ti fala, ti juuni. #JTT 18.3. 13Bi yaa kuli ti, ti guani ba mi madingima. Ti tie nani ŋanduna baadi yeni, ki tie nani bi niba kuli n lu yaala hali moala.
14Mii diani yi po ki bua ki fiagi yi ka, ama n tuodi ki tundi yi, kelima yi tie n bibuadimu. 15Lanwani, ba yi yaa pia gobidikaaba tuda piiga (10 000) Kilisiti nni, yii pia baanba wani boncianla. Mini n den mali yi Jesu Kilisiti nni, min den cuani yi po o Laabaaliŋamo yaa yogunu. 16Lanwani, n mia yi, ki tundi yi, yin yaa ŋua n yaa fuuli. #1Kor 11.1; Flp 3.17.
17Lani yaa po yo, ke n soani Timote, yua n tie n bibuadiga ki tie nidugika o Diedo nni, yi kani. O baa tiadi yi min ŋua Kilisiti maama, nani min bangi Kilisiti Nitaana ya n ye i kaani kuli maama.
18Yi siiga bi nitianba fiini ti japaadi, ki tama ke n kan go cua yi kani. 19Ama, o Diedo yaa bua, n baa cua yi kani ke li kan waagi. Lanwani, n kan bandi bi japaadanba yeni n maadi yaa maama bebe ka, n baa bandi ban pia yaa paalu n tie yu. 20U Tienu diema naa doagidi mi maama nni bebe ka, ama u paalu nni. 21Yi bua be? Min cua yi kani leni u fibu bi? Bi min cua leni mi buama leni li padingile?
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 Korenti 4: BGP
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Gulmancema Protestant Bible © Bible Society of Burkina Faso, 2013.