Yohana Ulongozi
Ulongozi
Usenga kama vuwandikigwe na Yohana ni umwe mwa zija senga nne za Mulungu zili Mchitabu cha Lagano da Sambi zija zifambula ugima wa Yesu Kilisito. Chila chimwe mvitabu ivo chokemigwa,“Usenga wa Mulungu,” manake, “Lagano da sambi.” Zandikigwe na Matayo na Maluko na Luka na Yohana viibitile ifa ya Yesu. Usenga wa Mulungu kama vuwandikigwe na Yohana yolongeka yandikigwa na mtumigwa Yohana kama milao tisini vino kulawa viyavumbuke Kilisito. Hata kama chitabu hachilonga kua Yohana iyo yandike, mpangililo wa kwandika uwigala na uja ulimuzibalua za 1 Yohana na 2 Yohana na 3 Yohana. Wandikaji wamwenga wa umwaka womsimulila Yohana kakala yokala kae ya Efeso mchipindi icho ivo kwa ulonzi yooneka kua chitabu chino chikala chandikigwe uko Efeso.
Yohana kalonga chinagaubaga kua chija chiagesile mchitabu chino ni kuwataza wanhu watogole Yesu Kilisito, Mwana wa Mulungu yeli na ugima. 20:31. Kwa kutogola dino, chopata ugima kuilinga na viyalonda Yesu. Chitabu chino chiwandikila wose Wayahudi na waja haweli Wayahudi. Usenga wa Yohana kwa chiasi fulani hauigalile ng'hani na zija senga zimwenga nhatu. Yohana kagangamiza ng'hani kwa mbuli ya uzonza iyasang'hane Yesu na handike ng'hani mbuli ya mifano yake. Mbuli zimwenga ng'hulu kama kubatizigwa kwa Yesu na kugezigwa kwa Yesu kuja kuchiwala izo ivija hazandikigwe muuno usenga unogile.
Galiumo mchitabu chino
Yohana kasonga usenga wa Mulungu muisula 1:1-18.
Amala Yohana kandika miuzonza imwenga ija iyasang'hane Yesu muisula 1:19-12-50.
Amala hamwande Yohana kafambula mbuli nyingi muugima wa Yesu uja umgalile mbaka muifa yake na uzilibuko 13:1-20-31.
Yohana kakomeleza usenga muisula 21 yolongelela chipindi chimwe vija Yesu viyailaguse kwa wanhu haja viyazilibuke na baho kosimulila viyagesile mbuli za kwandika chitabu chino.
Currently Selected:
Yohana Ulongozi: KBV
Highlight
Share
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.