Popular Bible Verses from MÁI 13

Share

Nungáá kpɛ́lɛɛ taá hilí ngáá wú ye sífaa nɔ́ɔ wú ngáá pólu yélaa, kɛ́ nuí fíli áá ló ní hái h̃u í ló su ngetéyangi yakɛɛlɛmái í fólo, Ngalá ngáá ngumááwo.”

Faalɔ, a giséi w̃a, wú w̃aah̃ú béle, sífaa wáá kɔ́lɔ mbéi hɔ́wɔi maa táingi áá foló ma.

Táingi fíli má taa wú hóu tí lí ngáá wú ye kóóti h̃u, a waá liihɛ́lɛ ngáá sí wáá vá ndéma kóótii h̃u. Kɛ́ ná maa táingi áá fólo ma, sí fíli Ngalá ngáá nde wú w̃a, ná lɔ wáá nde, bɔw̃álale ɛi ɣɛ ngáa wá wɔ́ɔ́ ɣɛ́ wáá njɛpɛí vu, kɛ́ Hɛ́ɛ́ma Ỹínangi lɔ́ áá kɛ ngáá háwu wáá ɣɛ́ wáá yɛ́pɛ.

Ngeleíni ngaa ndɔwɔlɔ́i taa vááma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

Jísu í mɔ́ɔ́ ɣɛ ta, “Nuu fíli aa kɔlɔ́ bele hɔwɔ́ lɔ táingi ná áá va, folói ɣéle tɔ kɛlaa táingi í maa hóloi ná h̃u nuu áá kɔ́lɔ. Malékaitii kéle tɔ tí ngelegóóh̃u taá kɔ́lɔ kɛlaa maa Ngalángi H̃íỹɛndou Loí. Kɛ́ kɛ nɔ́ɔ léi Kɛɛɣɛí Ngalá í kɔ́lɔ.

Ná wáá mɛ́ni ngáá kɔɔni tí gúlaa ɔɔ wú tɛingáá w̃áá woo ỹɛ́ni ỹanda vékaitii, wú líí álaa gúla wú wa, bɔw̃álale kɛ tí ɣɛ, kɛ́ ngetéyangi yakɛɛlɛmái ɛi ɣɛ ngáá ná.

Faalɔ, wá bɛ́lɛ kɛ wáá w̃aah̃ú béle, bɔw̃álale nyɛ́i ngí ngáá pɛlɛ́ w̃ɔ́i, wáá kɔlɔ́ mbéi hɔ́wɔi ngíwaa yángaima. Baa aa ɣɛ ngáá kpindí, ɔɔ kuyá liiwáá, baa ná maifɔ́lɔ tɛ́ɛ́hinai áá bɔ́ɔ́lɔ, baa aa ɣɛa ngelesú bíndi, wáá kɔlɔ́. Ná ngáá gɔ́ɔ́la wú wá, ngálaa wú w̃áále nyii h̃u. Sí ngáá nde wú w̃á, nyá lɔ́ɔ́ ndé nuu kpɛ́lɛɛ fááw̃a, faalɔ, ngí ndé wú w̃á, ‘A w̃ááh̃u béle!’ ”

Híítii taa ɣɛ táa lápi ngáá ỹɔw̃ɔ́ ỹɔ́w̃ɔ. Ndɔwɔlɔ́ wú ngiláángi aa ɣɛ áá lápi ngáá ndɔwɔlɔ́ vékai. Ndɔwɔlɔ́i aa ɣɛ áá bɛ́li, íwaa vú su ỹandá kpɛ́lɛɛ kpɛ́lɛɛ. Ná vólu, ndɔlɛ walá áa gúla. Aáva nátii kpɛ́lɛɛ ti gúlangɔɔ lé nɔ́ɔ́ ngáá hésendaa gooh̃ubaalɛí ɣɛ́ kíli ndoú léndai h̃u.”

Aáva kɛ Ngalángi gééla woo vandaí í lé nuu kpɛ́lɛɛ kpɛ́lɛɛ má ngetéyangi yákɛɛlɛmai ɔ́ɔ́ ɣɛ́a foló ma.

Nuu bíh̃iw̃aa lɔɔ vá vaamá tíwaa ndááheingi vɛ́lɛ wa, tí yíla ngíla fíli taa ɣɛ́ taa ɣɛ ta, ‘Nyá lɔ́ ngí ngáá Ngalángi Lókolo Mbá W̃ɔ́i.’ Aáva taá nuu bíh̃iw̃aa yakpólowa.

Jísu í mɔ́ɔ́ ɣɛ ti w̃a, “Kɛ́ wú gísei w̃a. Tiyá lɔɔ ɣɛ́ taa wú hóu, tíwaa lí ngáá wú ye kóótii h̃u, aáva tíwaa wú léve Ngala fɛ́li máákpɔ wotaítii mbu. Tiyá lɔɔ ɣɛ́ taa lí ngáá wú ye masa kúlo gúloaitii ngelé ɛ́ɣɛ masa ngwála wálaitii. Sí kpɛ́lɛɛ pá aa ɣɛ sífaa wú ngáá pólu yélaa. Sí va aa kɛ ngáá háwu sí wú kɔ́lɔ kɔwɔ́ato mbá wú súuɣɛ.

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

Jísu i mɔɔ ɣɛi ti w̃a, “Kɛ́ ná maanɔw̃ɔ́ hóloi nátii taa gúla su kp̃óu, foló ɛ́i mɔ́ɔ gula kɛlaa ngálu ngɔ́ɔ́ hólo. Temúleɣaitii ti ngélei ya táá h̃úndɛ, ngeleya kɔ́lingaitii kpɛ́lɛɛ taá ɣɛ taa lííka líika.