Popular Bible Verses from MÁI 12

Share

Jísu i ngoo yápoteni, i ɣɛ ma, “Sí í ngáá savaí bíkpingi aá wáá ngáá sí pɔ́nɛngɔi su ngáá í ɣɛ́ngɔ ta, ‘Wɛ́i wú ngáá Ísulɔ yeláitii a wolílo, Ndemɔí a mu Yálangi lɔ í ngáá Ngalá aáva ngilaá kpé tɔ́ í ngáá Ndemɔí. Kɛ yí ló ngáá Ndemɔí í Yálangi ngáá í líí kpɛ́lɛɛ ɛ́ɣɛ í lɛ́ɛ́h̃ui kpɛ́lɛɛ ɛ́ɣɛ gí mái kpɛ́lɛɛ í lɔ́ve ŋani kpɛ́lɛɛ mbá í lóngɔ áá ɣɛ́ lá la.’ ” Jísu í mɔ́ɔ́ ɣɛ ta, “Fele kélei waa ngáá sí, ‘Ló ngáá í mbála nuú búsaitii kíya í lóngɔ ngáá bɔwɔ́.’ Sava fíli aa na ɔ́ɔ́ lɔ́ve savaí sítiini mba.”

Kɛ Jísu i volú yélaitii tólinga, i ɣɛ ti w̃a, “Ngí tɔɔỹái le wú w̃á, ponyah̃á ỹááningɔi sí, i Ngala kɔ́ngi héa bih̃í í lɔ́ve nuu vékaitii kpɛ́lɛɛ mbá tí Ngala kɔngítii punga nyaakái h̃ú. Sífaa nungái sítii kpɛ́lɛɛ tí tí bátɛitii ta yeɣé ngéɣengɔ nɔ́ɔ maah̃u, tí fé ngáa Ngalá kɔ́ngi, kɛ́ ponyah̃ái sí láa nyaani kíli w̃a, ngeyá wɔ́lingi kpɛ́lɛɛ mil̃a í pílinga su ngáá ɔ́ɔ́ ɣɛ́ ɣɛi loí ngeyá ndaa ỹɛɛní hááw̃a.”

Ná vólu, kɛ Jísu i heingá Ngala kɔ́ pu nyáákai béla Hɛ́ɛ́ma Yála Pɛ́lɛi góvii h̃u, íwaa faŋaí béle táá ti gápangai pili Ngala kɔ́ pú nyáákai h̃u. Kpatɛ yélaa bih̃íw̃aa tí piliní sú bih̃í. Kɛ́ ponyah̃á yiláá nyaaningɔ́ í ɣɛ́i la, i vaaní, í kápa kulo gulo félengɔ víli su ngáá ɔ́ɔ́ híti nɔ́ɔ bɛ́lɛ kɔlu yílaa su.

Ná vólu, kɛ nuu í ló la ngáá lií kpɛ́lɛɛ ɛ́ɣɛ nuu gí mái kpɛ́lɛɛ í lɔ́ve ŋani fíli mbá ndongɔ́ la. Ná vólu, nuu í ló ngáá nuu mbála nuú búsaitii kíya nuu lóngɔ ngáá bɔwɔ́. Savaí sítiini tɔvengɔ́ɔ́ lé fembɛ wɔ́li fíli mbá nuu áá fe Ngalá mbɛ ɛ́ɣɛ saáɣa vekaítii kpɛ́lɛɛ.”

Kɛ Jísu i ɣɛa ti w̃a, “Sí hɔ́ɔ́ í Lóómi Lɔwɔlɔ́ W̃asa Ngwalaí hááw̃a, a fe Lóómi Lɔwɔlɔ́ W̃ása Ngwalaí yáa. Sí va í na Ngalá fááw̃a, wú fé Ngála ngéya.” Ná Jísu í ngói sí léni, ngi hái i ti gindáá vílini.