Popular Bible Verses from MÁI 14

Share

Í mɔ́ɔ́ ɣɛ ta, “Kɛɛɣɛ́ Ngála, ná áá gɛ́ɛ́lɛ í wá, faa fíli aa na áá bááh̃aa ɣɛmá. Maanɔw̃ɔ́ gɔ́pungi sí gúla kái ngéya. Kɛ́ ná fíli sú, nyá ngáá ɣɛ́i sí ndóngɔ lá í ɣɛ́, kɛ́ sí í lóngɔ lá í ɣɛ́.”

A ló yaah̃ú húlu ya, wú Ngala fɛ́li ngáá suugɔvɔ́ fáa álaa wú w̃áále wɔ́ɔ́ kɛ, sífaa wáá ɣɛ́ loí wú sí ɣɛ́ áá ɣɛ́ péle w̃a wú lií h̃u, kɛ́ nduwú h̃ú aa gula wú wá.”

Ngí tɔɔỹái le wú w̃á, mbéi fíli taá Ngalángi gééla woo vandaí lé ná ngeleí sí kpɛ́lɛɛ kpɛ́lɛɛ mbú, sí nyáh̃apoi sí í kɛ́a taá nde ti gindó fááw̃a laá su.”

Kɛ i ɣɛa ti w̃a, “Nyá lɔ́ náá saa lowá lá ngáá maaw̃áanui ɛ́ɣɛ ndiiỹaani ỹɔ́u ỹɔungí. A ló mbéinda yaah̃ú húlu yá.”

Tí loí nɔ́ɔ laaỹɛ́ má, Jísu í bílei yeɣé, í sɛ́ɣɛɛ gula Ngalá ma, í ngále ngále su, í fé volú yélaitii ngeyá, i ɣɛ ti w̃a, “A sou wú mɛ, ndúwui lɔ ngáá sí.”

I mɔ́ɔ kɔ́pungi yéɣe, í sɛ́ɣɛɛ gula Ngalá ma, í fé ti yaá. Sí í ɣɛ́i su, ti kpɛ́lɛɛ tí kpɔle. Kɛ i ɣɛa ti w̃a, “Ní ỹááw̃ɔi lɔ ngáá sí íwaa ngákɛ ngáá Ngalángi gɛ́lɛngi lɔ́ ngáá tɔɔỹaá í ngéɣeni ti lówah̃u taá ngí vóngaitii. Aá lɔ́ɔ vú nuu bíh̃iw̃aa hááw̃a.”

Kɛ Jísu i mɔɔ ɣɛa ti w̃a, “Wú kpɛ́lɛɛ wá lɔɔ vá bétevema mbá, sífaa sí pɔ́nɛngɔ Ngala Kɔ́lɔi h̃u aá lɔ ngáa sí, Ngalá ngi ɣɛngɔ ta, ‘Nyá lɔɔ vá mbaala w̃ááh̃u belé mɔ́i vááma, aáva mbaaláitii suu áá váha.’

A yooɣé, a mu lí. Tókoleve mɔ́i i vaangá!”

Kɛ Jísu i Pítɛ woo yápotenga, i ɣɛ ma, “Ngí tɔɔỹái le í w̃á, hááwɔ bíndii sí kái kái, tɛɛhínai ɔ́ɔ́ ɣɛ́ p̃ɛ́ɛ́ í wókole féle, yáá hiɣendáá ɣɛ nga sáwa ngáá yáá kɔ́lɔ.”