1 Timoteo 4
4
Eꞌyo ɨ̀cezà ɨ̀mbaꞌba ɨ̀nzò drʉ vɨɨ ɨnɨ drìa vɨɨ
1Ànɨ Orɨndɨ ɨ̀ce ɨ̀rɨ mgboo drʉ kɨ̀nɨ̀ oꞌdú àsìjʉ vɨɨ ɨnɨ alɨa ꞌba alóo ɨnɨ ngaa àꞌɨ̀taa ꞌyowa vɨɨ kʉ ra díká ɨnɨ ngaa orɨndɨ ɨ̀nzò fèle vɨɨ ɨnɨ buti òbɨ̀ɨ àloo eꞌyo orɨndɨ onzɨ nɨ ɨmbale vɨɨ ɨnɨ àꞌɨ̀ɨ ɨ. 2ꞌBa Ɨmbataa ɨ̀nzò drʉ ꞌdɨ̀vɨɨ ɨmbale vɨɨ ɨnɨ lókìrí be eꞌyo ꞌyole ra te ꞌóó ꞌotaa yɨ̀ kʉ vɨɨ ɨnɨ ɨ, ɨgataa ꞌyowa vɨɨ alɨa asɨ́ɨ́ eꞌyo àloo drìa kʉ. 3ꞌBa ꞌdɨ̀vɨ́ɨvɨɨ ɨ́ ꞌba ɨmba ꞌbènɨ̀à ɨ rú ànɨ kʉ díká ɨ nyá tà alóo ɨnɨ kʉ, te vɨɨ dèè Orɨ ꞌbà tà ꞌdɨ̀vɨɨ ɨnɨ nyazà drʉ ꞌbá yɨ́, díká lè ꞌba ɨ̀rɨ àꞌɨ̀le ra vɨɨ ɨnɨ nyá tà ndee vɨɨ ɨnɨ ꞌba eꞌyo ada ɨ̀rɨ awo vɨɨ àꞌɨ̀le ra vɨɨ ɨnɨ be ra, àloo ɨnɨ fé pàbaa àwàꞌdɨ̀fóò Orɨ yɨ́ tàa ndee eꞌyoa yɨ̀ ra. 4Àrɨ̀yɨ̀kʉ àfa drɨ́á Orɨ nɨ òꞌbàle vɨɨ ɨnɨ ònyɨ̀be, díká lè ɨ gá àfa ndee àloo kʉ ꞌba té ɨ̀rɨ àꞌíi vɨɨ dèe ꞌba fé Orɨ yɨ́ àwàꞌdɨ̀fóò ɨ̀rɨ zizà yɨ̀ ꞌba, 5àrɨ̀yɨ̀kʉ ꞌbá ɨ̀rɨ àlá drʉ eꞌyo Orɨ awo vɨɨ yɨ̀ àloo ɨ̀rɨ zizà yɨ̀ ꞌba.
6Mɨ tè eꞌyo ꞌdɨ̀vɨɨ ɨnɨ àrà ꞌdaa adríì Kristiani drʉ vɨɨ ɨnɨ yɨ́ rá, mɨ ngaa ovʉʉ àzíꞌbá ònyɨ̀be àzí Kristo Yesu awo vɨɨ ngale vɨɨ ɨ, kɨ̀le mɨ ngʉlʉpɨ nɨ tràle léti orɨndɨ nɨ vɨɨ alɨa eꞌyo àꞌɨ̀taa nɨ yɨ̀ díká ɨmbataa ada vɨɨ butia òbìle vɨɨ yɨ̀ vɨɨ lé. 7Te lè mɨ ɨ̀cɨ mɨ oꞌdʉʉ òku àzíkó àloo ɨ̀nzò drʉ tà sìle òlʉ̀zà drʉ kʉ vɨɨ ɨnɨ be kʉ. Ɨ̀ndɨ̀a ráaka, mɨ ɨmba mɨ así eꞌyo Orɨ awo vɨɨ ɨnɨ buti òbɨ̀jʉ ɨ. 8Àrɨ̀yɨ̀kʉ ɨmbataa rúá yɨ̀ vɨɨ òròdrí be, te ɨmbataa eꞌyo Orɨ awo vɨɨ yɨ̀ vɨɨ òròdría eꞌyo drɨ́á yɨ́, àrɨ̀yɨ̀kʉ ɨ òyòsòzà ɨdrɨ àndrʉ̀ vɨɨ awo vɨɨ ɨnɨ tàmba ɨdrɨ kole mule cale vɨɨ awo vɨɨ be.
9ꞌDɨ̀vɨɨ ɨ̀rɨ eꞌyo ꞌyozà ada nɨ lè ɨ àtí ɨ̀rɨ ra 10Eꞌyo ꞌdɨ̀vɨɨ yɨ̀, àma rɨ tʉ̀tʉ̀a àma ɨnza azí nga díká léti ndru àrɨ̀yɨ̀kʉ àma ꞌbà así Orɨ ɨdrɨ be vɨɨ drìa, ɨ̀rɨ nɨ ovʉle ꞌbarʉʉ àma òpale nɨ̀ vɨɨ ɨ vɨɨ yɨ̀, ɨ̀cetaa yɨ̀ tʉ̀tʉ̀a ꞌba Kristo nɨ àꞌɨ̀le ra vɨɨ ɨnɨ òpale vɨɨ ɨ vɨɨ yɨ̀.
11Ànɨ lè mɨ azí díká mɨ ɨmba ɨnɨ yɨ́ eꞌyo ꞌdɨ̀vɨɨ ɨnɨ ra. 12Mɨ fè ꞌbarʉʉ àloo ɨ̀rɨ ma mɨ mɨnɨ ovʉle mvaa nɨ vɨɨ yɨ̀ kʉ, te lè mɨ ɨ̀ꞌda ɨ̀cetaa ònyɨ̀be nɨ ꞌba àꞌɨ̀taa be vɨɨ ɨnɨ yɨ́ eꞌyo nzezà yɨ̀, adrɨ̀zà yɨ̀, alè yɨ̀, àꞌɨ̀taa yɨ̀ díká eꞌyo ada yɨ̀. 13Kpere manɨ ngarɨa carɨa, mɨ òwɨ̀ mɨ ngʉlʉpɨ òꞌbɨ yɨ́ eꞌyo sɨ̀zà Orɨ awo vɨɨ làzàa yɨ̀, òlʉ̀taa yɨ̀, díká ɨmbataa yɨ̀. 14Lè mɨ drì ɨ̀rɨ àvɨ̀ fètaa Orɨndɨ nɨ fèle mɨ́ yɨ́ vɨɨ àyʉzàa yɨ̀ kʉ, ꞌdɨ̀vɨɨ ɨ̀rɨ fètaa ꞌbanɨ fèle mɨ́ yɨ́ sawà ꞌba eꞌyo ondríꞌbá vɨɨ ɨnɨ nɨ eꞌyo ondríjʉ́ vɨɨ yɨ̀ díká dìpò oroo ꞌyowa vɨɨ ɨnɨ nɨ gí tìjʉ mɨ drìa vɨɨ yɨ̀ vɨɨ ɨ.
15Mɨ ꞌo eꞌyo ꞌdɨ̀vɨɨ ɨnɨ así àlʉ yɨ̀, mɨ fè mɨ ngʉlʉpɨ ndulu eꞌyo ndee ɨnɨ yɨ̀, ànɨyɨ̀ ꞌba drɨ́á ɨnɨ ndré còtaa mɨ awo vɨɨ benì. 16Mɨ àndrí mɨ ngʉlʉpɨ nɨ ɨmbataa mɨnɨ ɨmbale vɨɨ ɨbe. Lè mɨ mu eꞌyo ꞌdɨ̀vɨɨ ɨnɨ ꞌozà be drìle, àrɨ̀yɨ̀kʉ mɨ tè ngaa ꞌoo vɨ́nɨ rá, Orɨ nɨ ngaa mɨ ngʉlʉpɨ nɨ paa ꞌba ɨmbataa mɨ awo vɨɨ àꞌɨ̀le ra vɨɨ ɨbe.
© Wycliffe Bible Translators, Inc., © SIL Uganda, All rights reserved
1 Timoteo 4
4
Eꞌyo ɨ̀cezà ɨ̀mbaꞌba ɨ̀nzò drʉ vɨɨ ɨnɨ drìa vɨɨ
1Ànɨ Orɨndɨ ɨ̀ce ɨ̀rɨ mgboo drʉ kɨ̀nɨ̀ oꞌdú àsìjʉ vɨɨ ɨnɨ alɨa ꞌba alóo ɨnɨ ngaa àꞌɨ̀taa ꞌyowa vɨɨ kʉ ra díká ɨnɨ ngaa orɨndɨ ɨ̀nzò fèle vɨɨ ɨnɨ buti òbɨ̀ɨ àloo eꞌyo orɨndɨ onzɨ nɨ ɨmbale vɨɨ ɨnɨ àꞌɨ̀ɨ ɨ. 2ꞌBa Ɨmbataa ɨ̀nzò drʉ ꞌdɨ̀vɨɨ ɨmbale vɨɨ ɨnɨ lókìrí be eꞌyo ꞌyole ra te ꞌóó ꞌotaa yɨ̀ kʉ vɨɨ ɨnɨ ɨ, ɨgataa ꞌyowa vɨɨ alɨa asɨ́ɨ́ eꞌyo àloo drìa kʉ. 3ꞌBa ꞌdɨ̀vɨ́ɨvɨɨ ɨ́ ꞌba ɨmba ꞌbènɨ̀à ɨ rú ànɨ kʉ díká ɨ nyá tà alóo ɨnɨ kʉ, te vɨɨ dèè Orɨ ꞌbà tà ꞌdɨ̀vɨɨ ɨnɨ nyazà drʉ ꞌbá yɨ́, díká lè ꞌba ɨ̀rɨ àꞌɨ̀le ra vɨɨ ɨnɨ nyá tà ndee vɨɨ ɨnɨ ꞌba eꞌyo ada ɨ̀rɨ awo vɨɨ àꞌɨ̀le ra vɨɨ ɨnɨ be ra, àloo ɨnɨ fé pàbaa àwàꞌdɨ̀fóò Orɨ yɨ́ tàa ndee eꞌyoa yɨ̀ ra. 4Àrɨ̀yɨ̀kʉ àfa drɨ́á Orɨ nɨ òꞌbàle vɨɨ ɨnɨ ònyɨ̀be, díká lè ɨ gá àfa ndee àloo kʉ ꞌba té ɨ̀rɨ àꞌíi vɨɨ dèe ꞌba fé Orɨ yɨ́ àwàꞌdɨ̀fóò ɨ̀rɨ zizà yɨ̀ ꞌba, 5àrɨ̀yɨ̀kʉ ꞌbá ɨ̀rɨ àlá drʉ eꞌyo Orɨ awo vɨɨ yɨ̀ àloo ɨ̀rɨ zizà yɨ̀ ꞌba.
6Mɨ tè eꞌyo ꞌdɨ̀vɨɨ ɨnɨ àrà ꞌdaa adríì Kristiani drʉ vɨɨ ɨnɨ yɨ́ rá, mɨ ngaa ovʉʉ àzíꞌbá ònyɨ̀be àzí Kristo Yesu awo vɨɨ ngale vɨɨ ɨ, kɨ̀le mɨ ngʉlʉpɨ nɨ tràle léti orɨndɨ nɨ vɨɨ alɨa eꞌyo àꞌɨ̀taa nɨ yɨ̀ díká ɨmbataa ada vɨɨ butia òbìle vɨɨ yɨ̀ vɨɨ lé. 7Te lè mɨ ɨ̀cɨ mɨ oꞌdʉʉ òku àzíkó àloo ɨ̀nzò drʉ tà sìle òlʉ̀zà drʉ kʉ vɨɨ ɨnɨ be kʉ. Ɨ̀ndɨ̀a ráaka, mɨ ɨmba mɨ así eꞌyo Orɨ awo vɨɨ ɨnɨ buti òbɨ̀jʉ ɨ. 8Àrɨ̀yɨ̀kʉ ɨmbataa rúá yɨ̀ vɨɨ òròdrí be, te ɨmbataa eꞌyo Orɨ awo vɨɨ yɨ̀ vɨɨ òròdría eꞌyo drɨ́á yɨ́, àrɨ̀yɨ̀kʉ ɨ òyòsòzà ɨdrɨ àndrʉ̀ vɨɨ awo vɨɨ ɨnɨ tàmba ɨdrɨ kole mule cale vɨɨ awo vɨɨ be.
9ꞌDɨ̀vɨɨ ɨ̀rɨ eꞌyo ꞌyozà ada nɨ lè ɨ àtí ɨ̀rɨ ra 10Eꞌyo ꞌdɨ̀vɨɨ yɨ̀, àma rɨ tʉ̀tʉ̀a àma ɨnza azí nga díká léti ndru àrɨ̀yɨ̀kʉ àma ꞌbà así Orɨ ɨdrɨ be vɨɨ drìa, ɨ̀rɨ nɨ ovʉle ꞌbarʉʉ àma òpale nɨ̀ vɨɨ ɨ vɨɨ yɨ̀, ɨ̀cetaa yɨ̀ tʉ̀tʉ̀a ꞌba Kristo nɨ àꞌɨ̀le ra vɨɨ ɨnɨ òpale vɨɨ ɨ vɨɨ yɨ̀.
11Ànɨ lè mɨ azí díká mɨ ɨmba ɨnɨ yɨ́ eꞌyo ꞌdɨ̀vɨɨ ɨnɨ ra. 12Mɨ fè ꞌbarʉʉ àloo ɨ̀rɨ ma mɨ mɨnɨ ovʉle mvaa nɨ vɨɨ yɨ̀ kʉ, te lè mɨ ɨ̀ꞌda ɨ̀cetaa ònyɨ̀be nɨ ꞌba àꞌɨ̀taa be vɨɨ ɨnɨ yɨ́ eꞌyo nzezà yɨ̀, adrɨ̀zà yɨ̀, alè yɨ̀, àꞌɨ̀taa yɨ̀ díká eꞌyo ada yɨ̀. 13Kpere manɨ ngarɨa carɨa, mɨ òwɨ̀ mɨ ngʉlʉpɨ òꞌbɨ yɨ́ eꞌyo sɨ̀zà Orɨ awo vɨɨ làzàa yɨ̀, òlʉ̀taa yɨ̀, díká ɨmbataa yɨ̀. 14Lè mɨ drì ɨ̀rɨ àvɨ̀ fètaa Orɨndɨ nɨ fèle mɨ́ yɨ́ vɨɨ àyʉzàa yɨ̀ kʉ, ꞌdɨ̀vɨɨ ɨ̀rɨ fètaa ꞌbanɨ fèle mɨ́ yɨ́ sawà ꞌba eꞌyo ondríꞌbá vɨɨ ɨnɨ nɨ eꞌyo ondríjʉ́ vɨɨ yɨ̀ díká dìpò oroo ꞌyowa vɨɨ ɨnɨ nɨ gí tìjʉ mɨ drìa vɨɨ yɨ̀ vɨɨ ɨ.
15Mɨ ꞌo eꞌyo ꞌdɨ̀vɨɨ ɨnɨ así àlʉ yɨ̀, mɨ fè mɨ ngʉlʉpɨ ndulu eꞌyo ndee ɨnɨ yɨ̀, ànɨyɨ̀ ꞌba drɨ́á ɨnɨ ndré còtaa mɨ awo vɨɨ benì. 16Mɨ àndrí mɨ ngʉlʉpɨ nɨ ɨmbataa mɨnɨ ɨmbale vɨɨ ɨbe. Lè mɨ mu eꞌyo ꞌdɨ̀vɨɨ ɨnɨ ꞌozà be drìle, àrɨ̀yɨ̀kʉ mɨ tè ngaa ꞌoo vɨ́nɨ rá, Orɨ nɨ ngaa mɨ ngʉlʉpɨ nɨ paa ꞌba ɨmbataa mɨ awo vɨɨ àꞌɨ̀le ra vɨɨ ɨbe.
© Wycliffe Bible Translators, Inc., © SIL Uganda, All rights reserved