Mateus 18
18
Kin ku na sedu ŝef
(Mar 9.33-37,42-48; Luk 9.46-48)
1Na ki ora disipulus bai pa Jesus, e puntal: “Kin ki ŝef#Luk 22.24 na renu di seu?” 2Jesus coma un mininu, i pul na se metadi, 3i fala: “Na bardadi, N na konta bos kuma, si bo ka konverti, bo ka bida suma#Sal 131.2; Mar 10.15; 1 Kor 14.20; 1 Ped 2.2 mininu, di nin un manera bo ka na yentra na renu#Kap 19.14 di seu. 4Kin ku baŝa si kabesa#Kap 23.11-12 suma e mininu, es ki ŝef na renu di seu. 5Kualker ku risibi un mininu#Kap 10.42 suma es na ña nomi, i ami ki risibi, 6ma kualker ku pui un de pikininus ku fia na mi pa i kai na pekadu, i minjor i maradu#Luk 17.1-2 na garganti un pedra di muiñu, i botadu na metadi di mar, pa i bai pa fundu.
7“Koitadi di mundu, pabia kusas di pui algin kai ten ku bin, i ka ta#Luk 17.1; Rom 14.15,20-21 maina, ma koitadi#Kap 26.24 di algin ku ta pui utru jinti pa e kai na pekadu. 8E ku manda, si bu mon o bu pe na pou pa bu peka, kortal, bu fercal#Kap 5.29-30 lunju. I minjor pa bu yentra na vida ku falta di un mon o un pe, te pa bu tene dus mon ku dus pe, bu botadu na fugu ku ka ta paga. 9Si i bu uju ku na fasiu peka, rinkal, bu fercal lunju. I minjor pa bu yentra na vida ku un uju, te pa bu tene dus uju, bu botadu na fugu di nfernu. 10Bo toma sintidu, ka bo njuti nin un de pikininus, pabia N na konta bos kuma se anjus#Sal 34.7; Eb 1.14 na seu e ta oja sempri rostu#Est 1.14; Luk 1.19 di ña Pape ku sta na seu. [ 11Ami, Fiju di omi, N bin pa salba#Mar 2.17; Luk 9.56; Jon 3.17 kil ku pirdiba.]
Karnel ku pirdi
(Luk 15.3-7)
12“Ke ku bo oja? Si un omi tene sen karnel, si un delis bin pirdi, i ka na disa ki noventa i novi na montis pa bai buska kil ku pirdi? 13Si i ojal, na bardadi N na konta bos, i na mas kontenti pa ki un son di ki pa ki noventa i novi ku ka pirdi. 14Asin tambi bo Pape ku sta na seu i ka misti pa un de pikininus pirdi.
Manera di trata pekadu di bu ermon
15“Si bu ermon peka [kontra bo], bai#Sir 19.17; Luk 17.3; Tia 5.20 raprindil, abo son ku el. Si i obiu, i ta oja bu ngañal. 16Si i ka obiu, leba mas un o dus ku bo, pa ‘tudu palabra pudi konfirmadu pa dus o tris#Lei 17.6; Jon 8.17; 2 Kor 13.1; Eb 10.28 tustumuña’. 17Si i nega obi elis, konta asuntu na igreẑa. Tambi si i nega obi igreẑa, tratal#Rom 16.17; 1 Kor 5.3-5,11-13; 2 Tes 3.6,14-15; 1 Tim 1.20; 2 Jon 10-11 suma algin ku ka kunsi Deus, suma kobradur di mpustu.
18“Na bardadi N na konta bos kuma, tudu kil ku bo mara#Kap 16.19; Jon 20.23 na tera i na maradu na seu. Tudu ku bo dismanca na tera i na dismancadu na seu. 19Inda N na konta bos, si dus di bos na tera konkorda na un kusa ku bo na pidi, ña Pape ku sta na seu i na fasi bos ki kusa, 20pabia, nunde ku dus o tris junta na ña nomi, N na sta#Jon 20.19 na se metadi.”
Omi ku ka sibi purda
21Pedru bai pa Jesus, i puntal: “Siñor, kantu bias ku N dibi di purda ña ermon#Luk 17.3-4 si i na peka sempri kontra mi? Te seti bias?” 22Jesus falal: “I ka te seti bias, ma seti te setenta#Kap 6.14; Kol 3.13 bias.
23“E ku manda renu di seu i pudi komparadu de manera: I tenba un rei ku misti fasi konta ku si tarbajaduris. 24Oca i kumsa na fasi konta, e tisil un omi ku dibil milyons di diñeru. 25Suma kila ka teneba nada pa paga, si patron da ordi pa i bindidu, el ku si minjer#2 Re 4.1; Ne 5.8 ku si fijus, ku tudu kusa ki tene, pa i pudi paga dibida. 26Ki omi kai i mborka dianti di si patron, i falal: ‘Siñor, ten pasensa ku mi; N na pagau tudu.’ 27Si patron sinti garandi pena del, i disal, i purdal tudu ki dibida.
28“Ki tarbajadur kaba sai son, i kontra ku un si kolega ku dibil sen mueda di prata.#18.28 Un mueda di prata pudiba sedu vensimentu di un dia. I pegal, i kumsa na forkal, i na falal: ‘Pagan kil ku bu dibin!’ 29Si kumpañer mborka bas di si pe, i falal: ‘Ten pasensa ku mi; N na pagau.’ 30Ma el i ka#Dit 21.13 misti; i lebal pa bai fical na kalabus te ora ki pagal dibida. 31Utru di se kolegas e oja ke ku pasa, e fika tristi dimas, e bai konta se patron tudu ku pasa. 32Se patron coma ki omi, i falal: ‘Tarbajadur malvadu! N purdau tudu ki dibida pabia bu pidin. 33Nta abo tambi bu ka dibi di tenba pena di bu kumpañer suma ku N tenba pena di bo?’ 34Si patron, ku raiba ki ten, i ntregal na mon di kastigaduris te ora ki paga tudu ki dibi. 35Asin tambi ku ña Pape ku sta na seu na bin fasi bos si kada un di bos ka purda#Kap 6.12; Mar 11.25-26; Tia 2.12 di korson si ermon.”
© 1993-2020, Instituto de Tradução e Alfabetização