1 थिस्सलुनीकियों पौथी को परिचय
पौथी को परिचय
यो कागद नया निम की सबळी माण्ढेडी चीजा मं सबळा सुं पराणो मान्यो जाव्अ छ। रोम का राज मं एक मकिदुनिया नांऊ को एक यूनानी परदेस छो। उंकी राजधानी थिस्सलुनीके नगर छी। अन्दाजन 50 ईसवी मं थरपेड़ो पौलुस खुदकी लार काम करबाळा तिमोथी की लारा अण्डअ एक बस्वास्या की टोळी बणायो छो। वे परबु ईसु को समचार वां परमेसर का भगत यूनान्या न्अ सुणाया, ज्यो यहूदी धरम मं चत लगाबा लागग्या छा। पण पौलुस की सफलता देखर यहूदी मनख वाप्अ बळ्या मरबा लागग्या। यहूद्या का बिरोध की बजेसुं पौलुस न्अ थिस्सलुनीके नगर छोड़णी पड़ी अर वो बिरीया नगर मं चलग्यो। वो उण्डअ सुं ऐकलो आग्अ नखळर, अथेने मं होर कुरिन्थ नगर मं आयो। जद्या उन्अ तिमोथी की ओड़ी सुं थिस्सलुनीके नगर का बस्वास्या की टोळी का बारा मं एक समचार मल्यो।
थरपेड़ो पौलुस थिस्सलुनीके नगर का सबळा बस्वास्या न्अ फेरू हिम्मत बन्दाबा बेई अर तसल्ली देबा बेई यो कागद माण्ढ्यो।
वो वांका बस्वास अर परेम बेई वान्अ धन्यवाद देव्अ छ। वो वान्अ याद दुवाव्अ छ क जद्या वो तिमोथी की लारा थिस्सलुनीके नगर मं छो, जद्या वांकी जन्दगी कस्यान की छी। फेर वो परबु ईसु का पाछा आबा का बारा मं उठ्या वां सुवाला को जुवाब देव्अ छ, फेरू आबाकी बगत ज्यो सांच्याई की जन्दगी आपान्अ मल्अली कांई वा वां बस्वास्या न्अ बी मल्अली ज्यो परबु ईसु क आबासुं पेली मर चुक्या? परबु ईसु फेरू कद्या आवलो? थरपेड़ो पौलुस ई मोका को फायदो उठाता होया थिस्सलुनीके नगर का बस्वास्या की टोळी का मनखा न्अ खेव्अ छ क वे बस्वास अर आस सुं परबु ईसु का पाछा आबाकी बाठनाळता होया खुदका काम धन्धा मं लाग्या रेव्अ।
रूप-रेखा
सुवागत 1:1
बढ़ाई अर कृतज्ञता 1:2—3:13
बुवार का परबचन 4:1–12
पाछा आबा का बारा निर्देस 4:13—5:11
चोखा बचन 5:12–22
उपसंहार 5:23–28
ハイライト
シェア
コピー
すべてのデバイスで、ハイライト箇所を保存したいですか？ サインアップまたはサインインしてください。
(c) 2010-2017, New Life Computer Institute. All rights reserved