Matie 4
4
A Sɩtaana na bɛlɩ a Yeezu gu a
(Mark 1:12-13, Luk 4:1-13)
1Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ. 2Ʋ na tɩ tɛr a mʋta-tuo bibie lɩz'a ayi nɩ tɩ̃ɩsɔwr lɩz'a ayi a, kɔ̃ wa tɩ kpɛ ʋ na. 3Lɛ n'a a bɛlbɛlɛ tɩ taw ta yel ʋ: «Fʋ̃ʋ wa ɩ a Naaŋmɩn Bie a, fʋ̃ʋ ƴãw a kʋsɛbɛ á ŋá lɩɛbɩ bʋ̃-dɩrɩ#4:3 Bʋ̃-dɩrɩ: A sɛbɛ pʋɔ a, a ƴɛ̀r-bir tɔr za n'ɩ dipɛ̃. .»
4Ɛcɛ a Yeezu tɩ sɔw na: «Bɛ sɛb'ɩ à ŋá: “Bʋ̃-dɩrɩ tɛwr bɛ n'a guole a nɩsaal ɛ, ƴɛ̀rʋ za na yire a Naaŋmɩn nʋɔrɩ́ a, mɩ̀ guole ʋ na#4:4 Nyɛ̃ Wl-ayi 8.3..”» 5Lɛ n'a a Gɛgɛra tɩ tɛr ʋ cen nɩ a Zerizalɛm na ɩ a tẽ-sõw a pʋɔ, tɩ tɛr ʋ do n a Ŋmɩn-yir-kpɛ̃ɛ nyʋɔrɩ́ za, 6ɛ́ yel ʋ: «Fʋ̃ʋ wa ɩ a Naaŋmɩn Bie a, fʋ̃ʋ ƴaw tɩ lo a tẽsɔw. Bɛ sɛb a:
“A Naaŋmɩn na ƴãw na malkɩ mɩnɛ
ɓaabɩ fʋ a bɛ nuru pʋɔ,
a fʋ gbɛ́r taa wa ŋmɩɛr kʋsɩɛr ɛ#4:6 Nyɛ̃ Ssy 91.11-12..”»
7A Yeezu tɩ sɔw na: «Bɛ mɩ̀ cãà na sɛb: “Fʋ kʋ̃ ɩ a Sore fʋ Naaŋmɩn kaa ɩ#4:7 Nyɛ̃ Wl-ayi 6.16..”»
8A Gɛgɛra tɩ lɛb'a tɛr ʋ do n tã-kpɛ̃ɛ kpɛ̃ɛ kãw zu, tɩ wul ʋ a tẽ-daa na-mɩnɛ ten za nɩ a vɩɛlʋ 9ɛ́ yel ʋ: «Fʋ̃ʋ wa lo gbĩ dume puori mɛ̃ nɩ fʋ tʋɔra-siwru a, ɩ̃ na kʋ̀ b'ɩ à á ŋá za.» 10Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ#4:10 Maalɛ: Dagara sãàkʋm puoru tub'ʋ: a pɛr lɛ kɛ́ Naaŋmɩn yõ n'ʋ fʋ na puore. Nyɛ̃ Wl-ayi 6.13..”» 11Lɛ n'a a Gɛgɛra tɩ bɛr ʋ, ɛ́ malkɩ mɩnɛ taw ta kaarɛ a ʋ zie nɩ bʋ̃-dɩrɩ.
A Yeezu tĩ nɩ a ʋ tome a Galile
(Mark 1:14-15, Luk 4:14-15)
12A Yeezu na tɩ wõ kɛ́ bɛ nyɔw nɩ a Zã pàw a, ʋ tɩ cen nɩ a Galile tẽw. 13Ʋ tɩ yi n a Nazarɛtɩ, ɛ́ cen tɩ kpɩɛr Kafarnawɔm, a Galile kʋ̃ɔ-kpɛ̃ɛ nʋɔr, a Zabulɔ̃ nɩ a Nɛfɩtali ten vuo pʋɔ, 14k'aa yele tʋ̃ɔ́ tu mɛ̃ à à ŋá a naaŋmɩn-ƴɛ̀r-manɛ Ɩzayi na tɩ yel a:
15«Zabulɔ̃ tẽw nɩ Nɛfɩtali tẽw
na be a kʋ̃ɔ-kpɛ̃ɛ lowr a,
a Zurdɛ̃ man gãwn a,
nɩ-bʋʋr-yoru tẽw Galile e!
16A nɩ-bʋʋrɛ bɛl na tɩ be lige pʋɔ a,
nyɛ̃ nɩ cãà kpɛ̃ɛ.
Cãà caal'ɩ a bɛl na tɩ be
a kũu tẽ-lige pʋɔ a#4:16 Nyɛ̃ Ɩza 8.23—9.1..»
17Lɛ n'a a Yeezu tɩ tĩ hiere yere: «Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»
A Yeezu bʋɔl'ɩ zʋm-nyɔwrbɛ anaar
(Mark 1:16-20, Luk 5:1-11)
18A Yeezu na tɩ cere lanɛ a Galile kʋ̃ɔ-kpɛ̃ɛ a, ʋ nyɛ̃ nɩ yɛbr ayi, Sɩmʋ̃ bɛ na bʋɔlɛ Pɩɛr a, nɩ a ʋ yɛb Ãdere bɛ lɔbr mɩ̃ɛ a kʋ̃ɔ-kpɛ̃ɛ pʋɔ, zʋm-nyɔwrbɛ tɩ nɛbɛ. 19Ʋ tɩ yel bɛ na: «Nyɩ wa tuur mɛ̃, ɩ̃ɩ na ɩ na nyɩ lɩɛbɩ nɩ-nyɔwrbɛ#4:19 Nɩ-nyɔwrbɛ: A tẽ-vla Naalʋ pʋɔ n'a a Yeezu po-tuurbɛ na nyɔwr a nɩbɛ ƴãwn, gaso pʋɔ bɛ n'a ɩ, bɩɩ sɔbr nyɔwfʋ yele bɛ n'a ɩ. .» 20Daadaalɛ, bɛ tɩ bɛr'ɩ a bɛ mɩ̃ɛnɩ ɛ́ tu ʋ. 21Ʋ tɩ cen na tɔl blã, lɛb nyɛ̃ yɛbr ayi bɛ mɩnɛ, Zebede bidɛbr, Zakɩ nɩ Zã, bɛlɛ nɩ a bɛ sãà Zebede bɛ be a gbor pʋɔ maalɛ a bɛ mɩ̃ɛnɩ ƴãwn. Ʋ tɩ bʋɔlɩ bɛ na. 22Daadaalɛ, bɛ tɩ bɛr'ɩ a bɛ gbor nɩ a bɛ sãà ɛ́ tu ʋ.
A Yeezu kanɛ nɩ nɩ nɩbɛ ɛ́ sanɛ bàalbɛ
23A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie. 24A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na. 25Nɩ-yaga yaga na bɛ dɩ vuo a, tɩ tuur ʋ na. Bɛ tɩ yi n a Galile tẽw, a Dekapol tẽw, a Zerizalɛm tẽw, a Zude tẽw nɩ a Zurdɛ̃ man gãwn tẽw wa.
La Bible en Dagara © Alliance Biblique du Burkina Faso, 2013.
Matie 4
4
A Sɩtaana na bɛlɩ a Yeezu gu a
(Mark 1:12-13, Luk 4:1-13)
1Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ. 2Ʋ na tɩ tɛr a mʋta-tuo bibie lɩz'a ayi nɩ tɩ̃ɩsɔwr lɩz'a ayi a, kɔ̃ wa tɩ kpɛ ʋ na. 3Lɛ n'a a bɛlbɛlɛ tɩ taw ta yel ʋ: «Fʋ̃ʋ wa ɩ a Naaŋmɩn Bie a, fʋ̃ʋ ƴãw a kʋsɛbɛ á ŋá lɩɛbɩ bʋ̃-dɩrɩ#4:3 Bʋ̃-dɩrɩ: A sɛbɛ pʋɔ a, a ƴɛ̀r-bir tɔr za n'ɩ dipɛ̃. .»
4Ɛcɛ a Yeezu tɩ sɔw na: «Bɛ sɛb'ɩ à ŋá: “Bʋ̃-dɩrɩ tɛwr bɛ n'a guole a nɩsaal ɛ, ƴɛ̀rʋ za na yire a Naaŋmɩn nʋɔrɩ́ a, mɩ̀ guole ʋ na#4:4 Nyɛ̃ Wl-ayi 8.3..”» 5Lɛ n'a a Gɛgɛra tɩ tɛr ʋ cen nɩ a Zerizalɛm na ɩ a tẽ-sõw a pʋɔ, tɩ tɛr ʋ do n a Ŋmɩn-yir-kpɛ̃ɛ nyʋɔrɩ́ za, 6ɛ́ yel ʋ: «Fʋ̃ʋ wa ɩ a Naaŋmɩn Bie a, fʋ̃ʋ ƴaw tɩ lo a tẽsɔw. Bɛ sɛb a:
“A Naaŋmɩn na ƴãw na malkɩ mɩnɛ
ɓaabɩ fʋ a bɛ nuru pʋɔ,
a fʋ gbɛ́r taa wa ŋmɩɛr kʋsɩɛr ɛ#4:6 Nyɛ̃ Ssy 91.11-12..”»
7A Yeezu tɩ sɔw na: «Bɛ mɩ̀ cãà na sɛb: “Fʋ kʋ̃ ɩ a Sore fʋ Naaŋmɩn kaa ɩ#4:7 Nyɛ̃ Wl-ayi 6.16..”»
8A Gɛgɛra tɩ lɛb'a tɛr ʋ do n tã-kpɛ̃ɛ kpɛ̃ɛ kãw zu, tɩ wul ʋ a tẽ-daa na-mɩnɛ ten za nɩ a vɩɛlʋ 9ɛ́ yel ʋ: «Fʋ̃ʋ wa lo gbĩ dume puori mɛ̃ nɩ fʋ tʋɔra-siwru a, ɩ̃ na kʋ̀ b'ɩ à á ŋá za.» 10Lɛ n'a a Yeezu yel ʋ: «Cen taw zaa, Sɩtaana a! Bɛ sɛb'a: “A Sore fʋ Naaŋmɩn yõ n'ʋ fʋ na mɩ́ lo gbĩ dume puori nɩ fʋ tʋɔra-siwru, ʋl yõ n'ʋ fʋ na maalɛ#4:10 Maalɛ: Dagara sãàkʋm puoru tub'ʋ: a pɛr lɛ kɛ́ Naaŋmɩn yõ n'ʋ fʋ na puore. Nyɛ̃ Wl-ayi 6.13..”» 11Lɛ n'a a Gɛgɛra tɩ bɛr ʋ, ɛ́ malkɩ mɩnɛ taw ta kaarɛ a ʋ zie nɩ bʋ̃-dɩrɩ.
A Yeezu tĩ nɩ a ʋ tome a Galile
(Mark 1:14-15, Luk 4:14-15)
12A Yeezu na tɩ wõ kɛ́ bɛ nyɔw nɩ a Zã pàw a, ʋ tɩ cen nɩ a Galile tẽw. 13Ʋ tɩ yi n a Nazarɛtɩ, ɛ́ cen tɩ kpɩɛr Kafarnawɔm, a Galile kʋ̃ɔ-kpɛ̃ɛ nʋɔr, a Zabulɔ̃ nɩ a Nɛfɩtali ten vuo pʋɔ, 14k'aa yele tʋ̃ɔ́ tu mɛ̃ à à ŋá a naaŋmɩn-ƴɛ̀r-manɛ Ɩzayi na tɩ yel a:
15«Zabulɔ̃ tẽw nɩ Nɛfɩtali tẽw
na be a kʋ̃ɔ-kpɛ̃ɛ lowr a,
a Zurdɛ̃ man gãwn a,
nɩ-bʋʋr-yoru tẽw Galile e!
16A nɩ-bʋʋrɛ bɛl na tɩ be lige pʋɔ a,
nyɛ̃ nɩ cãà kpɛ̃ɛ.
Cãà caal'ɩ a bɛl na tɩ be
a kũu tẽ-lige pʋɔ a#4:16 Nyɛ̃ Ɩza 8.23—9.1..»
17Lɛ n'a a Yeezu tɩ tĩ hiere yere: «Nyɩ lɩɛbɩ a nyɩ ɩb, a tẽ-vla Naalʋ pɩɛl'a.»
A Yeezu bʋɔl'ɩ zʋm-nyɔwrbɛ anaar
(Mark 1:16-20, Luk 5:1-11)
18A Yeezu na tɩ cere lanɛ a Galile kʋ̃ɔ-kpɛ̃ɛ a, ʋ nyɛ̃ nɩ yɛbr ayi, Sɩmʋ̃ bɛ na bʋɔlɛ Pɩɛr a, nɩ a ʋ yɛb Ãdere bɛ lɔbr mɩ̃ɛ a kʋ̃ɔ-kpɛ̃ɛ pʋɔ, zʋm-nyɔwrbɛ tɩ nɛbɛ. 19Ʋ tɩ yel bɛ na: «Nyɩ wa tuur mɛ̃, ɩ̃ɩ na ɩ na nyɩ lɩɛbɩ nɩ-nyɔwrbɛ#4:19 Nɩ-nyɔwrbɛ: A tẽ-vla Naalʋ pʋɔ n'a a Yeezu po-tuurbɛ na nyɔwr a nɩbɛ ƴãwn, gaso pʋɔ bɛ n'a ɩ, bɩɩ sɔbr nyɔwfʋ yele bɛ n'a ɩ. .» 20Daadaalɛ, bɛ tɩ bɛr'ɩ a bɛ mɩ̃ɛnɩ ɛ́ tu ʋ. 21Ʋ tɩ cen na tɔl blã, lɛb nyɛ̃ yɛbr ayi bɛ mɩnɛ, Zebede bidɛbr, Zakɩ nɩ Zã, bɛlɛ nɩ a bɛ sãà Zebede bɛ be a gbor pʋɔ maalɛ a bɛ mɩ̃ɛnɩ ƴãwn. Ʋ tɩ bʋɔlɩ bɛ na. 22Daadaalɛ, bɛ tɩ bɛr'ɩ a bɛ gbor nɩ a bɛ sãà ɛ́ tu ʋ.
A Yeezu kanɛ nɩ nɩ nɩbɛ ɛ́ sanɛ bàalbɛ
23A Yeezu tɩ cɔlɛ nɩ a Galile tẽw za kanɛ nɩ a nɩbɛ a puoru-dirú, hiere nɩ a tẽ-vla Naalʋ Yel-nʋ̃ɔ̀, ɛ́ sanɛ bàal-pɛ-bʋʋrɛ za nɩ nɩ-kɔwlʋ bʋʋrɛ za a nɩbɛ zie. 24A ʋ yúor tɩ yi n a Siiri tẽw za, ɛ́ bɛ tɩ tɛr nɩbɛ, bàal-pɛ-bʋʋrɛ za nɩ wʋlɛ bʋʋrɛ za na tɩ fɛrɛ a, wa n a ʋ zie: kɔ̃tɔ̃-ìrbɛ, kũkũ-lorbɛ nɩ gbɛɛ. A Yeezu tɩ sanɩ bɛ na. 25Nɩ-yaga yaga na bɛ dɩ vuo a, tɩ tuur ʋ na. Bɛ tɩ yi n a Galile tẽw, a Dekapol tẽw, a Zerizalɛm tẽw, a Zude tẽw nɩ a Zurdɛ̃ man gãwn tẽw wa.
La Bible en Dagara © Alliance Biblique du Burkina Faso, 2013.