Psalm 67
67
Glū lāḵ gada Psalm.
Deus Misereatur.
Psalm 67
1Ḵunūh Ikē-Gīkumī woslāhyinūh:
kās nītla ūsas qukātlē sīs kūkamāya yūs, kās wāḵā ūs wosunūh.
2Kā kauglitl mī sīs qīxduni ūs lāḵ gāda bunīk awīnāgwīs:
ḵīs hītlamāzināyūs lāḵ gā nāhwāk līlqalāklayā.
3Wīgāhyī līlqalāklayī zilwākūkl, Ikē-Gīkumī:
kegl wīgāhyī nāhwā līlqalāklī zilwākūkl.
4Wīgāhyī lī-ulqalāklāyī ekīkagātl kās ekīkulī:
kā īs ek-īnī klūsāḵ bagwānum lāḵ gāda bunīk awīnāgwīs.
5Wīgāhyī līlqalāklayī zilwākūkl, Ikē-Gīkumī:
kēgl, wīgāhyī nāhwā līlqalākli zilwākūkl.
6Wa lā-kl wīs glā gāda bunīk awīnāgwīs gāḵā mas-kl ḵīs qāḵulā:
wē lā klī da Ikē-Gīkumī, ya um ḵunts nūsa Ikē-Gīkumi lā-kl zaw-kl gāḵuntsā sīs ekīlā-yau.
7Ḵunts Ikē-Gīkumāyī wāḵ-kl gāḵunts:
lā klūk da nāhwāḵ awīnāgwīs umyāḵā-kl Kī.
Historical texts first published by the British and Foreign Bible Society 1882-1897. These texts were digitised for the Canadian Bible Society.