Ba-Efeso 4の有名な聖句

シェア

Amuusilane buuya, mukabe batete moyo, akuba aluzyalo lwakulekelelana milandu, mbubonya mbuli Leza mbwaakalekelela ndinywe muli-Kristo.

Amweende cakulibombya acakulitola ansi. Umwi aumwi akati kanu abe acamba cilemu akukazikila mweenzinyina moyo cakuyandana.

Mutazwi ijwi ibi niliba lyomwe kumilomo yanu, pele amwaambe kuziindi zyoonse majwi aaelede aakonzya kuyaka, kuti boonse baswiilila bagwasigwe

Azizwe kulindinywe zintu ezi zyoonse—ndutiluti zili buti, alunyemo, abukali, amaambani, akutuka, alusulo loonse.

Nimwaba abukali, mutabisyi. Mutabbizyi izuba bukali bwanu. Mutapi Saatani busena abuniini

Muleelede kuleka ziyanza zyanu zyaciindi abuntu bwanu bukulukulu bubisizidwe azisusi zibi zyalweeno, muleelede kubukuluka mumuuya wakuyeeya kwanu, akulisamika buntu bupya bulengulwidwe mucinkozya ca-Leza cabululami acabusalali bwinibwini.

Kamucisolesya kulondola lujatano luzwa ku-Muuya kucaanzyo caluumuno.

Nkabela bamwi wakabapa kuti babe baapostolo, bamwi kuti babe basinsimi, bamwi kuti babe bakambausi, abamwi kuti babe beembeli nanka baiyi, kuti basitikizye bazumini, akoonda milimo ya-Leza, akuyaka mubili wa-Kristo, mane do toonse tube abujatane bomwe bwabuzumini abwaluzibo lwa-Mwana a-Leza, tube abuntu bulondokede abwiime buzulide bwa-Kristo

tutacibi bacete kukupepaulwa koonse koonse akupupululwa amyuuwo yanjiisyo zyamisyobo misyobo iizwa kukweena-ena kwabantu bapyungi bajisi macenjela aakucita bubeji. Tuleelede kujatisya lusinizyo cakuyandana, aboobo tulakonzya kukula muziyanza zyoonse akujatana ayooyo uuli mutwe wesu, nkukuti Kristo.