Lukaq 7の有名な聖句

シェア

Haû su mù, ngò, nàng lé taí lé, haû myiwe gi, je chyitdàp luî, yhang wó é yubàk myo myo lé hkyut pyám byî é hui bê. Shau za mara hkyut pyám byî é hui sû gi, shau za chyitdàp sû nghut ri.” ga taî ri. Yesuq gi, myiwe haú lé le, “Ngò, náng é yubàk mara hkyut pyám byi bê.” ga taî ri.

Yesuq gi, “Náng é lùmjíng myìt èq nang lé hkyi yù bê, ngón za ló àq hkoi.” ga luî, myiwe haû lé taî kat ri.

Yesuq é nùnghtáng hkyî wàng má ngau yàp to mù, Yhâng é hkyî má ngaùbyî èq záng lhoqteq byi jáng, uxâm èq bùt sut pyám byî ri. Dum nghut jáng, nhut èq puq luî mura lé bùt byî ri.

Haû mù, ngò, náng chyáng jé lé râ matú gíngdán é sû a nghut; Nàng, dang rahkun za taî kat laq, haú hkûn, ngá é duìnhâng zoshâng ge ló râ nghut lhê. Hkâsu mù gâ le, ngò le ahkáng ayá wó é zau rayùq é a‑ô mâ é zau nghut lhê; ngá é a‑ô má le gyèzô pé nyi lhê, rayùq lé ‘Ê àq!’ nghu le, yhang e ló lhê; góyùq lé, ‘Lò àq!’ nghu le, yhang lo lhê; ngá jûn lé le, ‘Shî kut àq!’ nghu le, yhang kut lhê.” gâ ri. Yesuq gi, dang haú lé wó gyo jáng, haú yùq é hkyô lé maú byùq luî, Yhâng htâng châng é shiwa byu pé lé lhing wú mù, “Ngò, núngmòq lé taí kôlé, Isira-elaq a-myû má lháng, shî í lùmjíng é sû lé, Ngò a myang wú.” ga taî ri.

Haú u yhang, Yesuq gi, nò zo hpyo zo, nòlì nòjàng huî é bang eq agè ashop é nàt dàp jun dap é byù myo myo lé, lhoqgê byî ri. Myòqjìt bang myo myo lé le, myòq dum myàng nhang ri. Haú hkûn, Yesuq gi, yhángnhik lé, “Myàng mî‑myàng, wó gyo má wó gyo, Yohan lé ló taî kyo keq; myòqjìt bang, myòq wó myâng bekô; hkyî hten bang le, wó so bekô; yàpjèq nòlì dàp bang le, lhoqgê byî é hui bekô; nojit bang le, wó gyo bekô; shî bê bang le, lhoqdui toq é hui bekô; myùng bâng é matú, gabú danglù hko kyô nyì bê nghut lhê.