Yon 17の有名な聖句

シェア

Kalam weng afan kalin dim im abem dádal kala. Kale kalam weng be afan ko.

Kale sun biyámin ade bela kabe. Kale kinim iyo kaba ilim kal kei kaba atin Got kakeibiw kuw ade Yesus Kadais ilim kal kei kawta dabadálaw tasa, kale audin kala.

Kale nam gánkamin uyo imi kuw bá, nam weng kidimin kinim ta bom yak kinim madik nam weng bakayam bidiw, weng kidi aket kunamokabiw iliso dakoyamo, kale gánkabi. Kale adikum ika makuw keidin kala. Kale Natim kaba, naka kam aket tem bidi, kaba nam aket tem badaw keibuduw taw, ika iliso num aket tem teiniwo, bakan kayak iyo kal kei afan kalawta naka namadálaw tasi ka. Kalin kala.

Kale naka gán dákamino, kaba nam nikil bakan kadák imkan keiyo kalbi bá, kata kaba Mafakim ayo fal kalo moyamawo ken bín kala kakbi ko.

Natim naka kalam win kufámin kunamsaw uyo nalam weng kidimin kinim kuyamsi, kayo ika nulum makuw keisuw taw ikil makuw keidin kala. Kale naka im aket tem bi nade kabal nam aket tem badaw. Kale nuka adikum gu makuw keiduwo, bakan kayak ika ilim kal keidomo, naka kawta namadálaw tasi ade nam kalfalyamin uyo kalam kalfalnabaw ulutaw ka. Kalin kala.