JUAN 2の有名な聖句

シェア

Jesús quichijqui ni tanextili ipan altepet Caná ipan estado Galilea. Huan ya ni elqui nopa achtohui tanextili cati quichijqui para technextilis ihueyitilis. Huan tiimomachtijcahua más tijneltocaque para yaya nopa Cristo cati Toteco techtitanilisquía.

Huan Jesús quiilhui: ―Nane, ¿para ten techilhuía na? Ayemo ajsi nohora para nimonextis.

Huajca Jesús quinilhui nopa tatequipanohuani: ―Xijtemitica nochi ne comit ica at. Huan cuali quintejtemitijque. Huan Jesús quinilhui: ―Ama xijcuica quentzi huan xijhuiquilica nopa ilhuichijquet. Huajca quihuiquilijque.

Huan Jesús quinnanquili: ―Xijsosoloca ni tiopamit huan ica eyi tonati sempa nijsencahuas quej ipa eltoya.

Huajca Jesús quichijqui se cuarta ten cuetaxti huan ica quinquixti nochi nopa masehualme inihuaya ininborregojhua huan inihuacaxhua. Huan quintepehuili inintomi cati quipatayayaj tomi ten sequinoc talme huan quintahuisoli inincuamesas. Huan quinilhui cati quinnamacayayaj palomas: ―Xijhuicaca cati amoaxcahua. Ayecmo xijchihuaca amotianquis tiopan calijtic pampa ni tiopamit ichaj noTata.