Zɛnɛse 42の有名な聖句

シェア

Nya ƃe dí mò díkîe-ni dîa dîyɛɛi, “Tɔ̃yâ ma kúsɔŋ káa kúlêɣe ŋɔmɛni-soli-kaa mɛnii su. Kpɛ́ni fêi, tãi è kúkperai fè la ŋɔmɛni-soli-kaai su a gɛɛ kú kpɔ́ŋ mai, kúfe kúwoli tɔ̀ɔ ní ma. Mɛni ma kúkaa maa tɔŋ-kpɛ-maa sɔlɔ ƃôi.”

Zosɛ è kɛ̀ a núu kɛ́tɛ Ize lɔii mɛi. Ǹyaa ƃé kɛ̀ mii-sɛŋ kɔlɛ̂i ǹɔii su-ƃelai kélee dîa. Nya ƃe Zosɛ ǹîa-ni dí pà dí pɛ́lɛ gɔ́ mu, dí díŋuŋ pîlaŋ ǹɔii ma.

Tãi Zosɛ è ǹîa-ni kàa lai, è díkɔ̂lɔŋ. Kɛ́lɛ vé kɛ́ ní ŋ̀wɛ̂lii a gɛɛ dí gɔ́lɔŋ. Mɛni ma è dísôŋ yɛ̂ɛ ŋɔ̃ya-ŋa é lóno dípɔ a ŋ̀ɛ́i wála-walaa. È dímarê kɛ̀ ǹyɛɛ diai, “Ká kùla mí?” Dîyɛɛ mai, “Kú kùla Keena lɔii su. Kú pá mii-sɛŋ yâi.”