Abalawi 26の有名な聖句

シェア

Ndalachendanga hakari weenywe, nimba Nyasaye weenywe, neenyu mulaba abandu banje.

kho ndalahaananga ifula yeenywe yosi munduukho yayo, eshialo nashio shilahaananga imele yashio, nemisaala echiomumikunda okhwama ebiamo biachio.

Nimuba nimuchenda muka ndalachilisia, nimulinda amalako kanje nimukakhola

Nasi ndalahaana omulembe mushialo, neenyu mulakona bukona, kata nabulaho oumuriisia. Ndalaakamia tsisolo tsimbii mushialo, kata olukanga shilulabira mushialo shieenywe ta.

Ne ndalamuhenga luboni, nimunyalila okhwibulana, nimwinjiyia; khandi ndalatinyisia indakano yanje nineenywe.

Nisie OMWAMI Nyasaye weenywe, owamurusia mushibala shiaMisiri, mbu muleshe okhuba abasumba babwe; ndakhalaka ebisekeyi bielikokolo lieenywe, nimusinjisia muchende nimukololooshe.

Nasi ndalasinjisia eshimenyo shianje hakari weenywe; shimulasinya omwoyo kwanje ta.

Mureekholela ebiabutswa ebiinamilungwa, kata okhusinjisia eshifwanani eshibaatse, kata isiilo yelichina lisongookhu; kata murarakhwo eshifwanani shiosi shielichina mushialo shieenywe okhushiinamila tawe; okhuba isie nisie OMWAMI Nyasaye weenywe.

Mulaliitsanga imele eyabirila eyabiikhwa oluhoono, ne mularusia eyabirila okhwiyanjia imbia.

Baraano khwinywe baleelusia eshikhumi, khandi eshikhumi khwinywe balalonda ebikhumila ekhumi; abasuku beenywe balakwisibungwa imbeli weenywe khulwa olukanga.

Mana lihuula liloola khwichesa lietsinzabibu, nelichesa okhuula khwiraaka; mulaliitsanga ebiliibwa bieenywe nimwikura, nimumenya mushialo shieenywe shisale.

Muleelusia abasuku beenywe, nabo balakwisibungwa imbeli weenywe khulwa olukanga.

Mwitsulilenje tsisabato tsianje, nimuriitsanga habundu wanje ahatakatifu; isie nisie OMWAMI.