Marcos 2の有名な聖句

シェア

Qana'chi joca'li so' Jesús demachíỹa da'me dójo', qaama'le 'enáacjo': —Sa ỹiuéetaaque ga' naỹoxola' jen'me qaỹa 'te 'uo qataxa jen'me n'óxota, na'chínata na' ỹilhuaac. Qá'a jaỹim sa ñic'áta da' siỹáxana ga' 'ónaxaicaloic, na'chigáta ga' loico ló'o.

Joca'li ỹilá'a so' Jesús da' lip'iỹáxa'j jesaa'me, qaama'le 'enapéga so' ỹilhuaac, 'enaac: —'Am ỹalcolec, naa'me 'adoico naỹi ỹima qoỹapalaxa't.

So' Jesús nataq'en 'enáacjo': —So' nolo' mataxaqui qoỹí'et joca'li qaidi nematéegue ga' siỹaxaua, qaláxasa sa qoỹí'et ga' siỹaxaua, ỹasouaxat di' nolo' mataxaqui.

Qaláxasa saa'me sa ỹivídede'uo ga' huét'a so' Jesús, qá'a da' sa cat'olec na' siỹaxadipi. Chan'eesa saa'me ỹ'ouáchidiñi so' lóvi' so' 'emec, qana'chi jeso'me n'ouatac, na'chi ta'nỹet qoỹin so' ỹilhuaac 'me huetalégue so' letala'.

Qaidi 'auaỹáchiñii, naỹi naloxonalo 'ami jen' siỹaxaua lec'óxot 'me 'uo da' 'enec jen' 'aléua da'me ỹapalaxa't naua' noico. Qaama'le 'enapéga so' Jesús so' sa d'añiiỹi, 'enaac: —Naỹi 'am senapéga, 'oñíseguem, 'aunana't na' 'adetala', qana'chi 'auc'áta ga' 'ad'acháqa'.

¿Jái'chogamaxa 'éeta ga'me sa qalaq da'me qoỹidolégue? ¿Na'chidáta jodamaxa 'enaac: “Naua' 'adoico ỹima qoỹapalaxa't,” 'uootaxa da' 'enaac: “'Oñíseguem, 'aunangue na' 'adetala', qana'chi 'oc?”

Qaama'le ñíseguem so' leuaxaic, qana'chi ỹinana't so' letala', cá'ai so' huét'a, ỹima da' qoỹauáachiỹi. Chan'eesa so' siỹaxadipi qaa'le ỹátaqta ỹoqo'chim, qaama'le ỹi'ỹoxodéetac ñi' Dios, 'enaac: —Ỹátaqta 'uáat'a da'me sauanáqchiỹi ga' 'ená'am dójo'.