اِنجیل مَتّی 7の有名な聖句

シェア

«بِپییَه، که شِمَه آدوعَه بَبی، بِگَردَه که تِلَفَه؛ بوکویَه که بَر شِمَه دیمی کا آبو.

چوم هَر کسی پیستِشَه، اَیی آدوعَه بَبی و هَر کسی بِگَردِه تِلَفِه و هَر کسی بوکویِه بَر چَیی دیمی کا آبو.

«بَس هَر کسی‌ چِمِن اِم گَفون دَرَسِه و اَوون اَنجام بِدَه، عاقیلَه مِردی شیوارَه كه اِشتَن کَ پاکاری سِنگی سَری کا بینا کَردَشه.

بَس خَلکی نَه هَتَه رَفتار بِکَرَه كه پیستِرونَه شِمَه نَه رَفتار بِکَرِن. اِم، تورات و پَیغمبَرون نیویشتَه اون خلاصه یَه.

امّا بَری که تنگَه و رایی که چَتینَه زندگی طرفی را بَشی و کسونی که اَیی تِلَفِن کَمی نَه.

«تَنگه بَری نَه بایَه دیلَه، چوم بَری که وِشا یَه و رایی که راحتَه نابودی طَرفی را بَشی و کسونی که اِم بَری نَه دیلَه دَشون وِری نَه.

بَس اَگم شِمَه كه بَدَه آدَمونی اِستیرونَه، بَزنیرون چِنتَه چاکَ هِدیه اون شِمَه خِردَنون آدییَه، چِندی وِرتَر شِمَه آسِمونی یَه دَده، بِه کسونی که اَیی کا پیستِشونَه چاکَ چیوون آدَه.

«هیچکسی قضاوت مَکَرَه تا کسی شِمَه قضاوت مَکَرِه. چوم هَر حکمی نَه که مردمی قضاوت بِکَرَه هَ حکمی نَه شِمَه را قضاوت بَبی. و هَر پیمونَه ای نَه که وزن بِکَرَه هَ پیمونَه نَه شِمَه را وزن بَبی.

امّا هَر کسی چِمِن اِم گَفون دَرَسِه و اَوون اَنجام مَدَه، نادونَ مِردی شیوارَه كِه اِشتَن کَ پاکاری فورشی سَری کا بینا کَردَشَه.

چیرا پوشه ای كه اِشتِه بِرا چِمی دیلَه کا دَرییَه بَویندیش، ولی دارَه کُنده ای که اِشتِه چِمی دیلَه کا دَرییَه نِوینی؟ وختی دارَه کُنده ای اِشتِه چِمی دیلَه کا دَرییَه، چِنته بَشای اِشتِه بِرا نَه بوآجی، ”بِدا اَ پوشه اِشتِه چِمی کا بَروَرِم“؟

«دروعَه پیغمبرون کا دوری بِکَرَه. اَوِن گوسَندون خَلا کا بومَین شِمَه وَر، ولی باطنی کا وَرگونی اِستینَه که پِزارنِن. اَوون چَوون میوه کا آزونَه. مَگم بِرَّه بِنَه کا اَنگِر چینِن یا خِندیلَه بِنَه کا، اَنجیل چینِن؟

هِنتَه نی، هَر سالمَ داری چاکَ میوه بواَردی ولی آفَتی یَه دار بَدَه میوه.

سالمَ دار نیمَشا بَدَه میوه بِدَه و آفَتی یَه دار نی نیمَشا چاکَ میوه بواَرِه.

هَر داری كه چاکَ میوه مَدَه اَیی دَوِرِن و آتشی کا دَرَفَنِن.