Олӧм 15の有名な聖句

シェア

Ӧврам эскис Господьлы, та вӧсна Господь шуис сійӧс веськыдӧн.

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Господь петкӧдіс Ӧврамӧс ывлаӧ да шуис: «Видзӧдлы енэжас да лыддьы кодзувъяссӧ, верман кӧ. Та мында жӧ лоас тэсянь чужысьыс».

Господь шуис сылы: «Оз кесйӧгыдлы, а тэсянь чужысьлы вичмас тэнад овмӧсыд».

Господь шуис Ӧврамлы: «Тӧд, тэсянь чужысьяс овмӧдчасны йӧз муӧ. Нёльсё во чӧж найӧ лоӧны сэні кесйӧг туйынӧсь да нартитӧм улынӧсь.

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».