1 Пачаби 17の有名な聖句

シェア

Давудица пилистимасе жаваб кьун абуна: «Мун хвалченгун, хечгун ва хъалхъангун вачӀунев вуго дида данде, дунин абуни вачӀунев вуго дуца рогьо бан жинда тӀад кӀал кӀалъарав ГӀизраилалъул аскаразул Аллагьасул – Гучал Аскаразул БЕТӀЕРГЬАНАСУЛ кумекгун.

Гьанире ракӀарун ругелщиназда лъазе буго гьебмехалъ БЕТӀЕРГЬАНАСУЛ хвасарлъи я хвалчабазда, я хучдузда бараб букӀунареблъи. Гьаб рагъги БЕТӀЕРГЬАНАСУЛ бугелъул, Гьес нуж киналго нижехъе кверде кьезе руго».

ГъалбацӀалъул ва циялъул квачӀикьа дун чанги хвасар гьавурав БЕТӀЕРГЬАНАС дов пилистимасул квердасаги хвасар гьавила». Цинги Шаулица абуна: «Вахъа, гьедин батани. БЕТӀЕРГЬАНАС кумек гьабеги дуе!» – ян.

Жакъа БЕТӀЕРГЬАНАС дир кверде кьезе вуго мун, ва, мунги чӀван, дур бетӀер нахъе къотӀизе буго. Гьале гьаб жакъа къоялъго пилистимазул жаназаби зобалазул хӀанчӀазе ва гӀалхул жанаваразе гьез тӀутӀун разе рехизе руго, ва тӀолабго дунялалда лъазе буго ГӀизраилгун Аллагь вукӀин.

Кодобе вехьасул тӀилги босана, лъарахъа тӀаса бищун щуго цӀвакараб гамачӀги лъуна вехьасул къвачӀиниб ва ганчӀал речӀчӀулеб алатги босун, пилистимасда данде вилълъана.

Давудица Шаулида абуна: «Щивниги хӀинкъуге абе дов пилистимасукьа. Гьале дун, дур лагъ, ина гьесда данде ва чӀван рехила гьев».