1 Петр 2の有名な聖句

シェア

Нош тӥ – быръем выжы, Эксэйлэн священникъёсыз, святой калык, Инмарлэн люкетэз. Солэн ӟечлыкъёсыз сярысь мед ивортоды шуыса, тӥледыз Со пеймыт азьысь Аслаз паймымон югыт улаз ӧтьыса поттӥз.

Асьмелэсь сьӧлыкъёсмес Со Ачиз Аслаз Мугорыныз кирос вылэ нуиз, сьӧлыкъёс понна кулэмын мед луомы, нош шонерлык понна мед уломы шуыса. Солэн яраосыныз тӥ бурмытскиды. Тӥ уго, возьмаськисьтэк кыльыса, йыромем ыжъёс кадесь вал, нош табере лулдэс Возьмась, Чаклась доры берытскиды.

Куке но тӥ калыктэмлэсь гинэ калык вал, нош али – Инмарлэн калыкез луиды. Куке но тӥ Инмарлэсь гажан-жалянзэ тодытэк улӥды, нош али сое ас вылады шӧдӥды ни.

Али вордскем вож нуныос кадь яратэлэ дун-чылкыт кыл йӧлэз, со бордысен тӥ мед будоды но утиськон мед шедьтоды шуыса.

Гажаноосы! Тӥледыз, та дуннелы мурт адями луисьёсты, пыдйылчиосты, курисько: лул вылэ урдскылӥсь лулмугорлэн юрӟым куронъёсызлэсь палэнскылэ. Тӥляд улонды язычникъёс азьын ӟечо-буро мед луоз. Соос тӥледды, йыруж лэсьтӥсьёсты музэн, урод кылъёсын вераллязы. Тӥлесьтыд ӟеч ужъёстэс адӟыса, Инмарез данъяны мед быгатысалзы Солэн лыктон нуналаз.

асьтэос но, улэп изъёс луыса, асьтэдыз духовной корка пуктыны сётэ, дун-шектэм священство луэ, Иисус Христос пыр Инмарлы ярамонэсь духовной курбонъёс сётон понна.

Озьы, котькыӵе уродлыкез, котькыӵе кескич ужез, чеберъяськонэз, вожъяськонэз но котькыӵе урод кылын вераськонэз палэнтэ

Со доры, улэп из доры, адямиосын кулэтэм карем, нош Инмарен быръем дунолыклэн матаз мыныса

Эриклэн нимыныз уродэз ватӥсь адямиос кадь ӧвӧл, эрикын улӥсь муртъёс выллем, Инмарлэн ляльчиосыз кадь лэсьтэ.

Уго Инмарлэн таӵе эрикез: асьмеос, ӟеч ужъёс лэсьтыса, визьзэс ыштэм адямиослэсь валатэк вераськонзылэсь ымзэс ворсаны мед быгатомы.