Matiyo 28の有名な聖句

シェア

Yanagaw kadtuwi mayu ya kadég na manga banwa aw imo-a mayu ya manga utaw na kanak manga umagakan, aw ba͡utismuwi mayu silan dun ni ngalan na Ama, aw Iseꞌ, aw Ispiritu Santo. Aw palna-uwi mayu silan na imo-un nilan ya kadég na pigsuguꞌ ku kamayu. Aw diliꞌ mayu pagkalingawan na gayed ta kamu agad-agadan kada allaw mendaꞌ na malingeb da ya kadég adti kamoliyan na allaw.”

Pagkatigkas yan, dyumulud si Jisus kanilan aw miglong sakanan, “Pig-atag da adi kanak ya katundanan na magdumala sa kadég na awun ni tas na langit aw sa kadég na asini tas na lupaꞌ.

Manang piglongan na anghil ya manga ka͡ubayan, “Diliꞌ kamu magkallek! Kya-ede-an ku na pyaninaw mayu si Jisus na pigkalabuwan adti krus. Walaꞌ da sakanan asini, kay nyataw da kasiling na piglong nan idtu muna! Seled kamu aw inunuwa mayu ya pigpakulangan kanan.

Pagkatigkas yan, miglong si Jisus kanilan, “Diliꞌ kamu magkallek! Ubati mayu ya manga inulug ku na madtu silan ni Galiliya aw dun da aku nilan kita-a.”

Yanagaw migkatipun da uman ya manga mangkatas na magdadugsu-ay aw ya manga magdadumala͡ay sa manga Judiyu, aw pigka-unawa͡an nilan na atagan nilan na dakulaꞌ na kuwalta ya manga sundalu pada diliꞌ nilan ubat-ubat ya matinaw, aw piglongan nilan, “Yeiy ya ubat-ubat mayu sa manga utaw: ‘Talana nami nyampakatulug na gabi yan, dyumateng ya manga umagakan nan aw pigtakaw nilan ya lawas ni Jisus.’ Kun dengegen na gubirnador ya ubat-ubat mayu, kami la ya magbalawbalaw kanan pada diliꞌ kamu nan kadamanan.” Pigdawat nilan ya kuwalta aw pigdalug nilan ya kadég na piglong kanilan. Aw taman adun, yeiy ya kasampetanen na gayed pigsalutsalut na manga Judiyu.