Romanos 6の有名な聖句

シェア

So pochinel o bilachipe si o meripe; a so del o Del si zivoto ostade ando Kristo Jesus, amaro Gazda.

Gia o bilachipe ni ka avel le zor pe tumende, soke tumen ni sen esluge e zakonoke. Akana sen po volipe e Devleko.

Kana sam kristime mera ta sam prajome lea. Ta mera te sai usta katar o meripe ta te zivi iek zivoto nevo, gia sar o Jesus ustilo katar o meripe pala e bari zor e Dadeki.

Na den tumari esnaga e bilachimake te cheren o bilachipe. Mai sukar den tumen kai o Del, sargo llene kai mule ta pale zivisarde, den tumari esnaga te cherel so si chachipe angla o Del.

Llana kai so sama omanglal krustome achila e Jesusea, ta e zor katar o bilachipe kai si ande amende te achel zatrime ta te na ava ios esluge e bilachimake.

Isto gia tumen llinen tumen mule e bilachimake, ta llunde e Devleke pala o Kristo Jesus.

¿So ka ppena akana? ¿Ka chera ios mai bilachipe te sai o Del sikadol amenge ios mai lacho? ¡Iok! Soke amen mulam e bilachimake; ¿sar akana ka zivi ando bilachipe?

Tumen llanen kai ko ttovelape te kandel iekke llene suako llive, cherdol leko esluga. Amen sai kanda o bilachipe ta sai mera, o sai kanda e Devle ta te la leko prostipe.

Omanglal tumen sena esluge e bilachimake. A fala e Devleke kai tumen kandien sa tumare liea e alava kai die tumen. A kana tumen sen braduime katar o bilachipe, ta sen esluge e chachimake.