ROMANOS 10の有名な聖句

シェア

Ja tzunj lu. Ka ma cykbay tuya cytziy cywitz xjal ka ja Jesús Cyaawey, bix ka ma cyocslay tuj cyanema e jatz tiiꞌn Dios jaxin cyxol cyimne, chi cletel tzuna tuꞌn

cuma ka ma tzꞌoc ke tcꞌuꞌj jun xjal tiꞌj ti toc tuꞌn Dios tuya cykil tcꞌuꞌj, jiquentzen taꞌ twitzxin, bix ka ma tkba cye xjal ka tuj tcwent Jesús taꞌ, ccleteltzen.

Jaxte il tiꞌj cꞌoquel cybiꞌn xjal alcyej tzin tkbaꞌn Dios tuꞌntzen toc ke cycꞌuꞌj tiꞌj tzin tkbaꞌnxin, bix jaxte il tiꞌj cpomel tyol Dios cyxol tuꞌntzen toc cybiꞌn.

Jaxte ko cletel ka ma tzꞌoc ke kcꞌuꞌj tiꞌ Cristo, cuma tz̈i tyol Dios cyjulu: “Nuk aljxe xjal n-oc ke tcꞌuꞌj tiꞌ Cristo, miꞌn txiꞌ tuj il,” tz̈i tyol Dios. Cꞌoquel cycꞌuꞌja tiꞌj yol “nuk aljxe xjal.” Juꞌ japenina twitz Dios min-al jun xjal mas jawnex twitz juntl xjal, judíole, yaaꞌnle judío, cuma jaxin cawel tibaj cykilca ocslal. Ntzaj tkꞌoꞌnxin t-xtalbilxin te cykilca kej xjal tzin cykanen colbil cye te Kaaw. “Nuk aljxe xjal tzin cykanen colbil cye te Kaaw, ccleteltzen,” tz̈i tyol Dios.

¿Bix ti tten tuꞌn tex jun te kbalte ka min-al e xiꞌ chkꞌonte? tz̈ikey. Pero cxeꞌl nkbaꞌna cyey kej kbalte tpocbalxin o kꞌoj cye tuꞌn Dios. Tz̈i tyol Dios cyjulu: “Nim tzalajebl at tiꞌj cypomlen kej kbalte tyol Dios, kej nchi kbaꞌn ti tten tuꞌn cycub xjal tuj ttz̈yal tuya Dios,” tz̈i tyol Dios te yecꞌbil e xiꞌ tsmaꞌn Dios ke tyolel.

Ja tzunkej xjal judío, min e cykane colbil cye te Kaaw. Kape ctzaal cykanena weya, ¿ti tten tuꞌn cykanen colbil cye texin ka min o tzꞌel cyniyꞌ tiꞌj il tiꞌj tuꞌn toc ke cycꞌuꞌj tiꞌjxin? ¿Bix ti tten tuꞌn tel cyniyꞌ tiꞌj il tiꞌj tuꞌn toc ke cycꞌuꞌj tiꞌjxin ka min o tzꞌoc cybiꞌn tpocbalxin? ¿Bix ti tten tuꞌn toc cybiꞌn tpocbalxin ka min-al kbalte tpocbalxin cye?

O chi tzpet, cuma e kꞌoj ley cye tuꞌn Dios nuk tuꞌn tel cyniyꞌ tiꞌj nuk tuꞌn toc ke cycꞌuꞌj tiꞌ Cristo, baꞌntzen cyoc jiquen twitz Dios.