Рим 14の有名な聖句

シェア

Юмын Кугыжаныш кочкыш-йӱыш огыл‚ а Святой Шӱлыш дене ушнымаште чын ыштымаш‚ тыныслык да куанымаш. Кӧ Христослан тыге служитла‚ тудо Юмылан келша‚ калыклан пагалаш йӧра.

Ме илена гын‚ Господьлан илена‚ колена гынат‚ Господьланак колена. Илена але колена‚ ме Тудын улына.

Тугеже, мо тыныслыкышке да ваш-ваш пеҥгыдемдымашке наҥгая‚ тудым кычалына.

Тыгеракын, ме тылеч вара икте-весым судитлышаш огынал. А ончыза, иза-шольылан шӱртняш але камвозаш амалым ида ыште.

Возымо: «Мый илем, – ойла Господь‚ – да ончыланем кажне пулвуй сукен шичшаш‚ кажне йылме Мыйым Юмо манын чапландарышаш». Мемнан кокла гыч кажныже Юмын ончылно шке верчше мутым куча.

Тӱрлӧ шонымаш шотышто ӱчашыде‚ начар ӱшанымашан еҥым шке коклашкыда налза.

Весын тарзыжым титаканыш лукташ кӧ тый улат? Тудо шке Господьшо ончылно шога але йӧрлеш. Но тудо шогалтыме лиеш, вет тудым шогалташ Юмын куатше уло.