Рим 10の有名な聖句

シェア

Иисусым Господь манын, тый йылмет дене еҥ ончылно почын ойлет да‚ Юмо Тудым колымаш гыч ылыжтен манын‚ шӱмет дене ӱшанет гын‚ утаралтат.

Вет шӱм дене ӱшанымаш чыныш лекмашке наҥгая‚ йылме дене почын ойлымаш – утаралтмашке.

Тыгеже‚ ӱшанымашыже уверым колмо дене шочеш, а уверым колмаш Юмын шомакше гоч толеш.

Возымаш ойла: «Тудлан ӱшаныше кеч-кӧат намысыш ок пуро». Тыште иудей ден эллин коклаште ойыртем уке: чыланнанат Господьна икте. Кӧ Тудын деч полышым йодын кумалеш‚ Господь поянлыкше гыч чылалан пуа. Вет «Господь деч полышым йодшо кеч-кӧат утарыме лиеш».

А колтымо огытыл гын‚ кузе увертарен кертыт? Тыге возымо: «Тыныслык нерген увертарыше-шамычын да поро уверым кондышо-влакын толмышт могай сае!»

Но кӧлан огыт ӱшане‚ кузе Тудын деч полышым йодын кертыт? Кӧн нерген колын огытыл гын‚ кузе Тудлан ӱшанен кертыт? Увертарыше уке гын‚ кузе нуно колын кертыт?

Вет законын мучашыже – Христос‚ сандене ӱшаныше кажне айдеме чыныш лукталтеш.