1 Кор 12の有名な聖句

シェア

Чылалан пайда лийже манын, Шӱлыш кажне айдеме гоч тӱрлын палдырна.

Те Христосын капше улыда, да тендан кокла гыч кажныже – тудын ужашыже.

Ик ужаш орлана гын, тудын дене пырля чыла ужаш орлана, ик ужаш чаплана гын, тудын дене пырля чыла ужаш куана.

Иктылан Шӱлыш гоч ушан шомак пуалтеш, весылан тиде Шӱлыш гочак – шинчымаш шомак, иктылан тиде Шӱлышак ойыртемалтше кугу ӱшанымашым пуа, весылан тиде Шӱлышак – паремден моштымашым. Иктылан чудым ышташ вий пуалтеш, весылан – пророкла ойлымаш, иктылан – шӱлыш-влакым ойыркален моштымаш, весылан – тӱрлӧ йылме, южылан – нине йылмым умылтарымаш.

Чыла тидым ик Шӱлышак ышта. Тудо кажне айдемылан шке шонымыж семын моштымашым пуа.

Мемнан ончыкташ йӧрдымӧ ужашна-влакым поснак келшышын леведына, а ончыкташ йӧрышӧ ужашна-влаклан тиде ок кӱл. Но капыште посна ужашла коклаште икте-весе ваштареш шелалтмаш ынже лий, а чыла ужаш ик семын икте-весышт верч тыршышт манын, Юмо капын ужашыж-влакым иктыш ушымыж годым изинрак чапланыше ужаш-влаклан поснак кугу чапым пуэн.

Шӱлышын пуымо моштымаш тӱрлӧ лиеш, а Шӱлыш икте. Служитлыме пашат тӱрлӧ лиеш, а Господь икте. Ыштымаш тӱрлӧ лиеш, а чылалан чыла тидым ыштыктыше Юмо икте.

Южыштым Юмо Черкыште посна пашалан шогалтен: иктыштым Апостоллан, весыштым – пророклан, кумшыштым – туныктышылан, адакшым южыштлан чудым ышташ вийым, южыштлан – паремден моштымашым, полшен моштымашым, вуйлатен кертмым але тӱрлӧ йылмым пуэн.

Капат икте гыч огыл, а шуко ужаш гыч шога.

Мӧҥгешла, капын кудо ужашыже-влак моло деч начарракла койыт, нуно эн кӱлешан улыт.

Уло кап шинча гын, мо дене колеш? А уло кап пылыш гын, мо дене пушым шижеш? Но Юмо чыла ужашым шонымыж семын вераҥден, капыште кажныжлан шке вержым пуэн. А чылажат ик ужаш гына лиеш ыле гын, кушто капше лиеш ыле?